اسلام آباد۔8اکتوبر (اے پی پی): مزن وزیر عمران خان ءِ سروکی ءَ نیشنل کوآرڈینیشن کمیٹی برائے ہائوسنگ ، کنسٹرکشن اینڈ ڈویلپمنٹ ءِ ھمک ھپتگی دیوان پنچ شمبے ءِ روچ ءَ اد ا اسلام آباد ءِ برجم دارگ بوت۔ وزارت ءِ ہائوسنگ ءِ نیمگ ءَ مزن وزیر ءَ را بنجاھی حکومت ءِ ادارگ آنی اوشت ءِ آماچیں منصوبگ آنی سر ءَ کار ءِ بنگیج ، جاڑیگیں منصوبگ ءُ آیوکیں باندات ءِ منصوبگ آنی نتیجگ ءَ جوڑیشت بوھوکیں ہائوسنگ یونٹس ءُ اے منصوبگ آنی مالیت ءِ بابت ءَ سرجمیں بریفنگ دیگ بوت۔ مزن وزیر ءَ را گوشگ بوت کہ فیڈرل گورنمنٹ ایمپلائیز ہائوسنگ اتھارٹی ءِ کساس دھ منصوبگ گوستگیں بازیں سال ءَ چہ اوشت ءِ آماچ انت ایشانی سر ءَ دووارگ کار ءِ بنگیج کنگ بوتگ۔ ایشی ءِ سبب ءَ 38667 یونٹس جوڑ بنت۔ اے منصوبگ آنی کساس 120.21 ارب کلدار انت۔ ھمے رنگ ءَ پاکستان ہائوسنگ اتھارٹی فائونڈیشن ءِ سئے منصوبگ ھما کہ بازیں سال ءَ چہ اوشت ءِ آماچ بوتگ انت ایشانی سر ءَ کار دوارگ بنگیج کنگ بوھگ ءَ انت ایشی ءِ سبب ءَ 5372 یونٹس جوڑ بنت ایشانی کساس 27085 ارب کلدار انت۔ اے سال ءَ جاڑیگیں منصوبگ آںی نتیجگ ءَ 26625 ئوبٹس جوڑ بنت ایشانی مالیگ 213.4 ارب کلدار انت۔ دیوان ءَ را گوشگ بوت سال 2020 ءِ دیمے جاڑی بوھوکیں منصوبگ آںی نتیجگ ءَ 25017 یونٹس جوڑ بنت ایشانی مالیت ءِ کساس 112.03 ارب کلدار انت۔ 2021 ءِ منصوبگ آنی نتیجگ ءَ 39955 یونٹس جوڑ بنت ایشانی مالیت 184 ارب کلدار کلدار۔ مزن وزیر ءَ چئیرمین نوکیں پاکستان ہائوسنگ اتھارٹی، صوبائی چیف سیکرٹری صاحب ءُ توامیں سیادی داروکیں مردم آناں پنت ءُ شون کت کہ کنسٹرکشن ءِ شوبگ ءِ دیمروئی ءَ ارزشتیں ایں کرد ءِ دار ات۔ مزن وزیر ءَ چیئرمین نوکیں پاکستان ہائوسنگ اتھارٹی ، صوبائی چیف سیکرٹری صاحب ءُ توامیں سیادی داروک آناں پنت ءُ شون کت کہ دیمروئی ءِ پڑ ءَ گیشاں چہ گیش دلگوشی دیگ بیت تانکہ کجام ھم پڑ ءَ اے کوشست اوشت ءِ آماچ مہ بنت۔
