اسلام آباد۔8اکتوبر (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ پاکستانی فلم ءُ کسمانک دگنیا دگنیا ءَ پیش کنگ، جوانیں ازم ءُ ازمکاری، براڈ کاسٹنگ ءِ ساز ءُ سامان ءَ ھوار ھمک رنگیں ریلیف پجاری کنگ ءِ واستہ حکومت آسراتی ءُ کمک دیگ ءِ واستہ تیار انت، فلم ءَ را یک شل ءَ صنعت ءِ درجگ دیگ ءُ جتا جتائیں شوبگ آنی تہ ءَ ٹیکس ءِ یلوئی ءِ شور ءُ مشور مزن وزیر عمران خان ءَ را پیش کنگ بیت، پرائم منسٹر اکنامک ریچ آئوٹ انیشیٹو فلم بزاں تامر ءِ صنعت ءِ وسیلگ ءَ زر امبار در جنگ ءِ واستہ استیں پینگ آناں دور کنگ ءِ فورم ات۔ آئی ءَ گوشت کہ پاکستانی ڈرامہ ، تامر ءُ آرٹ ملک ءِ جوانیں لکا ءَ سہرا کنگ ءَ کلیتی کرد پیلو کنت انت۔ آ پنچ شمبے ءِ روچ ءَ وزارت ءِ اھوالکاری ءُ شنگ کاری ءِ چیر دستی ءَ پرائم منسٹر اکنامک ریچ آئوٹ اینیشیٹو ءِ چیر دستی ءِ چیر دستی ءَ سافٹ پاور ءِ دیرموئی ءُ زر امبار ءِ در جنگ ءِ بن گپ ءِ سر ءَ شو ر ءُ مشوری دیوان ءَ گوں گشتانک دیان ءَ کت۔ سیکرٹری وزارت اھوالکاری ءُ شنگ کاری اکبر حسین درانی، سیکرٹری وزارت انفارمیشن ٹیکنالوجی ءِ سیکرٹری، پاکستان براڈ کاسٹنگ ایسوسی ایشن، فلم ایسوسی ایشن ، جنگ میڈیا گروپ، ایورریزی پیکچر گروپ ، ایگزبیٹر گروپ ، جی ای ایم گروپ ، اے آر وائی میڈیا گروپ کارندہ ، وزارت درئی کار ، تجارت ، ادبی مڈی ، ایف بی آر ءُ ایندگر سیادی داروکیں کارندہ آں بھر زوری کت۔ بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ پرائم منسٹر اکنامک ریچ آئوٹ انیشیٹو،۔ این سی او سی ءِ وڑ ءَ یک فورم ات ایش فلمی صنعت ءِ دیمروئی، ڈن ملک ءَ پاکستانی فلم، ڈرامہ ءُ کلچر ءِ سہرا کنگ ءِ رد ءَ استیں پینگ آنی دور کنگ ءِ واستہ یک جوانیں فورم ات ۔ آئی ءَ گوشت کہ توامیں سٹیک ہولڈرز آں باست ءُ واست ءِ تہ ءَ بھر زوری کت ، تران ءَ چہ پد وتی وتی شور ءُ مشور وزارت ءِ اھوالکاری ءُ شنگ کاری ءَ را دات انت۔ بنجاھی وزیر اھوالکاری ءُ شنگ کاری سینیٹر شبلی فراز ءَ توامیں سٹیک ہولڈرز آناں دل یکیمی دات کہ اے توامیں سپارش ءُ شور ءُ مشور مزن وزیر عمران خان ءَ را تاں پجاری کنائینت۔
