اسلام آباد۔8اکتوبر (اے پی پی): مزن وزیر عمران خان ءَ گوں گورنر سندھ عمران اسماعیل ءَ پنچ شمبے ءِ روچ ءَ ادا گند ءُ نند کت۔ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ مزن وزیر عمران خان ءَ گورنر سندھ ءَ را پنت ءُ شون کت کہ بنڈل آئی لینڈ ءِ ھوالگ ءَ جیڈھ آناں سندھ حکومت ءِ گوما یکجا نندگ ءُ گیوار کنگ بہ بنت۔ مزن وزیر ءَ گوشت کہ بنڈل آئی لینڈ منصوبگ ءَ چہ سرمایہ کاری ءُ روزگار ءِ باز بے مٹ ءُ بے دروریں موہ پچ بیت۔ گورنر سندھ ءَ کراچی ٹرانسفارمیشن پلان ءِ سر ءَ دیمروئی ءِ ھوالگ ءَ مزن وزیر ءَ را سرجمیں بریفنگ دات۔
