پاکستان ڈیموکریٹک موومنٹ تینا سرکڑدہ غاتے این آر او تننگ آن حکومت نا انکار آن پد جوڑ مسنے، مراد سعید

اسلام آباد۔ 08 اکتوبر (اے پی پی) بنجائی وزیر مواصلات و ڈاکخانہ جات مراد سعید پارینے کہ حزب اختلاف نا جماعت آتا تحریک پاکستان ڈیموکریٹک موومنٹ(پی ڈی ایم) تینا سرکڑدہ غاتے این آر او تننگ آن حکومت نا انکار آن پد جوڑ مسنے۔ اوپارے کہ آصف زرداری، مولانا فضل الرحمان، محمود اچکزئی و ایلوفک اسہ ہی پنہ غا بسنوو قومی ادارہ غاتے شست کننگ ءُ۔ اوپارے کہ حزب اختلاف نا جماعت آک این آر او ہلنگ اٹ ہچ ءُ پیش رفت اس خنتوس۔ نجی نیوز چینل تون گپ وتران کرسا اوپارے کہ ملک ءِ پُلنگ اٹ اوار ڈوہدار ہرا اخلاقی بنداو نا رداٹ تینے نجات دہندہ گوندنگ ءُ۔ اوپارے کہ لُٹ و پل کن پاکستان اوفتا جند انا ملکیت اف۔