اسلام آباد۔ 08 اکتوبر (اے پی پی) وزیر خارجہ مخدوم شاہ محمود قریشی متحدہ عرب امارات نا وزیر خارجہ عبداللہ زاید النہیان تون ٹیل فون آ رابطہ کرے۔ ہڑتوم آ وزیر خارجہ غاک اقتصادی و واپاری بشخ آتیٹی ہڑتوم آ کنڈآتا کمکاری ءِ مون آ دننگ آ امنا کریر۔ ترجمان دفترخارجہ نا رداٹ وزیر خارجہ مخدوم شاہ محمود قریشی پنچ شنبے نادے آ متحدہ عرب امارات نا تینا ہم منصب …
وزیر خارجہ مخدوم شاہ محمودقریشی نا متحدہ عرب امارات نا وزیر خارجہ تون ٹیل فون رابطہ، اقتصادی و واپاری بشخ آتیٹی کمکاری ءِ مون آ دننگ آ امنا
گیشتریں ھال
اسلام آباد۔ 08 اکتوبر (اے پی پی) وزیر خارجہ مخدوم شاہ محمود قریشی متحدہ عرب امارات نا وزیر خارجہ عبداللہ زاید النہیان تون ٹیل فون آ رابطہ کرے۔ ہڑتوم آ وزیر خارجہ غاک اقتصادی و واپاری بشخ آتیٹی ہڑتوم آ کنڈآتا کمکاری ءِ مون آ دننگ آ امنا کریر۔ ترجمان دفترخارجہ نا رداٹ وزیر خارجہ مخدوم شاہ محمود قریشی پنچ شنبے نادے آ متحدہ عرب امارات نا تینا ہم منصب عبداللہ بن زاید النہیان تون ٹیل فون آ رابطہ کرے۔ ہڑتوم آ وزیر خارجہ غاتا نیام اٹ ہڑتوم آ کنڈآتا تعلقداری، ڈیہہ نا جم حالیت آتون اوار تین پہ تینی است خواہی نا باندات آتیا گپ وتران مس۔ شاہ محمود قریشی پارے کہ پاکستان و متحدہ عرب امارات نا نیام اٹ تاریخی، برادرانہ تعلقداری ءِ۔ یو اے ای ٹی رہینگوک آ لکھ آ پاکستانی، تدوک آ کیہی دہائی آن متحدہ عرب امارات نا شونداری و شونہالی ٹی تینا کڑد ءِ ادا کننگ ءُ۔ کورونا تون اوار ہر مشکل ساہت اٹ ہڑتوم آ برادر ملک آک اسہ ایلو تون پبی تفینو۔ وزیر خارجہ کورونا دین انا جہانی دین انا چیلنج اٹ، یو اے ای ٹی رہینگوک آ پاکستانی کمیونٹی نا خصوصی خیال ءِ تخنگ آ اماراتی وزیر خارجہ نا منت واری ءِ ہرفے۔ ہڑتوم آ وزیر خارجہ غاک اقتصادی و واپاری بشخ آتیٹی ہڑتوم آ کنڈآتا کمکاری ءِ مون آ دننگ آ امنا کریر۔ ہڑتوم آ وزیر خارجہ غاک ڈیہہ ٹی امن و سوگوی و کورونا دین انا زرگزرانی زہم تتون جوان وڑاٹ مون تننگ کن تین پہ تینی سلابت نا چرجوئی ءِ برجاتخنگ نا عندیہ ہم تسر۔
