بلوچستان حکومت نا روشنا بلوچستان پروگرام نا رداٹ صوبہ ٹی چنکو کچ اسے آ بجلی نا ڈٹ بناکننگ نا فیصلہ

اسلام آباد۔ 08 اکتوبر (اے پی پی) بلوچستان حکومت روشن بلوچستان پروگرام نا رداٹ صوبہ ٹی چنکو کچ اسے آ بجلی نا ڈٹ آتا بناءِ کننگ نا فیصلہ ءِ کرینے، ہرادے کوئٹہ الیکٹرک سپلائی کمپنی (کیو ایس سی او) نا حوالہ کننگک۔ بلوچستان حکومت نا حوالی اے پی پی ءِ پارے کہ چنکو کچ اسے آ بجلی نا ڈٹ آتیان دوئی مروک آ توانائی اسٹریٹ لائٹس و واٹرسپلائی ٹیوب ویل تیکن کاریم اٹ اتنگ مریک۔ روشن بلوچستان پروگرام نا رداٹ بجلی نا فراوانی نا ڈٹ آف گریڈ علاقہ غاتیٹی اسہ خاص ءُ جاگہ سے آ جوڑ کننگک ہراڑآن مرمُر انگا علاقہ غاتا مخلوق ءِ فائدہ مریک۔ ذرائع پارے کہ حکومت بلوچستان الیکٹرک کمپنی لمیٹڈ نا جوڑ کننگ نا ہم ڈٹ اس جوڑ کرینے ہرا بجلی ودی کننگ کن کاریم اٹ اتوک آ ہائیڈرو کاربن (تیل و گیس) انا پٹنگ و شونداری ڈٹ آتیا کاریم کیک۔ اومستی پارے کہ صوبہ نا شاہراہ تیا پوسکن آ جوڑ میڈیکل ایمرجنسی رسپانس ہند آک ہم شمسی توانائی تون منسلک مریرہ۔ حکومت بلوچستان صوبہ نا یخ انگا علاقہ غاتیٹی مسیت و السی ہند آتیا شمسی گیزر فراوان کننگ آ کاریم کننگ ءِ۔ دا پروگرام اٹ دہ شمسی توانائی نا ڈٹ اوار ءُ ہرافتیان صوبہ نا 1890 خلق آتا 0.675 ملین آبادی ءِ فائدہ مریک۔ 2020-21 نا قابل تجدید توانائی ڈٹ آتیٹی، چائنا پاکستان اکنامک کوریڈور نا گام انا رداٹ خصوصی بندغ آتا 10،000 اُراتے شمستی توانائی نا نظام نا فراوانی و 500 میگاواٹ ونڈ پلانٹس آتا خلنگ نا ہم ڈٹ اس جوڑ کننگانے۔ اومستی پارے کہ صوبہ ٹی انرجی پارک آتا جوڑ کننگ کن ڈغار نا دوئی کننگ نا کاریم برجاءِ۔ سبی ٹی 5000 ایکڑ ڈغار، نوکنڈی ٹی ونڈ انرجی پارک اکن 10 ہزار ایکڑ، قلعہ سیف اللہ شمسی توانائی پارک و مستونگ اکن 2000 ایکڑ ڈغار، پشین، خضدار، لورالائی، پنجگور و لسبیلہ ضلع غاتیٹی شمسی توانائی نا پارک آتیکن اسہ ہزار ایکڑ ڈغار دوئی کننگ انگ ءِ۔