اسلام آباد۔ 08 اکتوبر (اے پی پی) صدر مملکت ڈاکٹر عارف علوی پارینے کہ پاکستان نا بحری دنگ انا دفاع ٹی پاکستان نیوی نا کلیدی کڑد ءِ، پاکستان نیوی گوادر پورٹ و سی پیک ءِ سیکورٹی فراوان کرسا ملکی زرگزرانی فائدہ غاتا رکھ اٹ اہم کڑد ادا کننگ ءِ۔ داخیال آتا درشانی ءِ او پنچ شنبے نادے آ چیف آف نیول اسٹاف ایڈمرل محمد امجد خان نیازی تون اوڑدہی ٹی کرے۔ صدر مملکت ڈاکٹر عارف علوی پوسکن آ نیول چیف ءِ عہدہ سنبھالنگ آ مبارکبادی تس۔ صدر مملکت پارے کہ پاکستان نا بحری دنگ انا دفاع ٹی پاکستان نیوی نا کلیدی کڑد ءِ، پاکستان نیوی گوادر پورٹ و سی پیک ءِ سیکورٹی فراوان کرسا ملکی زرگزرانی فائدہ غاتا رکھ اٹ اہم کڑد ادا کننگ ءِ، اواومیت ظاہر کرے کہ پاکستان نیوی ایڈمرل امجد خان نیازی نا کماشی ٹی ملک ءِ مون تروک سمندری چیلنج آتا سرسہبی اٹ مون ءِ تورک۔ صدر مملکت ڈاکٹر عارف علوی چیف آف نیول اسٹاف کن نیک است خواہی تا درشانی ءِ کرے۔
