اسلام آباد۔8اکتوبر (اے پی پی): مزن وزیر عمران خان ءَ گوشت کہ ورنا آناں مزوری ءِ موہ پجاری کنگ، ملکی برآمدی چیز آنی تہ ءَ گیشی ءُ ملک ءَ آمدنی ءِ تہ ءَ گیشی حکومت ءِ اولی ترجی داتگیں کار انت، صوبگ آنی گوما شور ءُ مشور ءِ گوما ایس ایم ای پالیشی ءِ پد ءُ رند ءِ ھوالگ ءَ روڈذ میپ ءَ را زوت پکوئیں رنگ دیگ بہ بیت۔ اے ھیالانی درشانی آئی ءَ پنچ شمبے ءِ روچ ءَ ادا نیشنل کوآرڈنیشن کمیٹی برائے سمال اینڈ میڈیم انٹرپرائزز ءِ دیوان ءِ سروکی ءَ کنان ءَ کت۔ دیوان ءَ بنجاھی وزیر صنعت ءُ پیداوار محمد حماد اظہر ، مزن وزیر ءِ مشیر ڈاکٹر عشرت حسین ، بنجاھی سیکرٹریز ءُ ایندگر کلانہ ایں اپسرگ شریک اتنت وھدیکہ گورنر سٹیٹ بینک رضا باقر ءُ صوبائی چیف سیکرٹریز آں ویڈیو لنک ءِ وسیلگ ءَ بھر زوری کت۔ دیوان ءَ کسانیں ءُ درنیامی صنعت آنی دیمروئی ءِ ھوالگ ءَ گیشینتگیں ایس ایم ای پالیسی 2020 مزن وزیر ءَ را پیش کنگ بوتگ ءُ استیں پالیسی ءِ کوکا ءِ ھوالگ ءَ بریفنگ ھم دیگ بوت۔ مزن وزیر عمران خان دیوان ءَ گوں گشتانک دیان ءَ گوشت کہ ملک ءِ ورنا آناں نوکری ءِ موہ پجاری کنگ، ملکی برآمدی چیز آنی تہ ءَ گیش ءُ ملک ءِ دولت ءِ پیداوار ءُ حکومت ءِ اولی ترجی انت۔ آئی ءَ گوشت کہ کسانیں ءُ درنیامی درجگ ءِ صنعت آنی دیمروئی اے سئے ایں ترجی آنی ھوالگ ءَ منوگری بوتگیں سیم سر آنی در جنگ ءَ کلیتی کرد دار انت۔ آئی ءَ گوشت کہ گوستگیں دھ سال آنی تہ ءَ ایس ایم ایز آناں یکسر ڈلگچار کنگ بوتگ ایشی ءِ سبب ءَ ملکی معیشت ءِ سر ءَ ھرابیں رند پد نکش بوتگ۔ مزن وزیر ءَ گوشت کہ حکومتی ترجی آنی رد ءَ توامیں بنجاھی محکمہ ءُ صوبائی حکومت ایس ایم ای سیکٹر ءِ دیمروئی ءِ سر ءَ ھاسیں دلگوشی دیگ بہ بیت۔ مزن وزیر ءَ گوشت کہ حکومت ایس ایم ایز آناں توامیں استیں آسراتی آں ھوار رپک ءُ رھبند آناں آسان جوڑ کنگ، کریڈٹ ءِ پجاری، ٹیکس ءِ نظام ءَ را گہتر جوڑ کنگ ءُ کاروبار ءِ تہ ءَ آسراتی دیگ ءِ واستہ جزمیگ انت۔ مزن وزیر ءَ وزیر ءِ صنعت ءَ را پنت ءُ شون کت کہ صوبگ آنی شور ءُ مشور ءَ چہ استیں ایس ایم ای پالیشی ءِ پد ءُ رند ءِ ھوالگ ءَ ٹائم لائن آنی روڈ میپ ءَ را زوت پکوئیں رنگ دیگ بہ بیت۔
