اسلام آباد۔8اکتوبر (اے پی پی): مزن وزیر عمران خان ءَ گوشت کہ پی ٹی آئی حکومت ءِ بن گپ الس ءِ ازمت کنگ اِنت، سرکاری ادارگ آناں ھمک رنگ ءَ الس ءِ ازمت کنگ ءِ پابند کنگ بیت، گورننس سسٹم ءِ گہتری الس ءُ سرکاری ادارگ آنی نیام ءَ گہتریں رابطہ کاری المی انت۔ مزن وزیر کارگس ءِ نیمگ ءَ جاڑی بوتگیں بیان ءِ رد ءَ سرکاری ادارگ، ھمزوریں مردم آنی محکمہ ءَ تاں پجاری ءَ را گیش آسان جوڑ کنگ ءِ حکم دیگ بوتگ۔ پاکستان سٹیزن پورٹل شہری آنی شریکداری گورننس ءِ دیمروئی ءِ واستہ جوڑ کنگ بوتگ تانکہ مردم آنی جیڈھ آنی گیواری ءِ واستہ سرکاری ادارگ جوانیں ازمت پجاری کت بکن آں۔ مزن وزیر ءِ پنت ءُ شون ءِ پد ءِ ملک ءِ درستاں چہ مستریں شکاست نظام جوڑ کنگ بوتگ۔ توامیں صوبگ آنی تہ ءَ سٹیزن پورٹل ءِ اپسرگ آنی 8864 ڈیش بورڈز آناں زمہ واری دیگ بوتگ ایش مزن وزیر عمران خان ءِ ھمزور ءُ بزگیں ءُ بے وس ءُ بے کسیں مردم آنی واستہ یک ٹوھیں گامگیج ات۔ اے رد ءَ مزن وزیر کارگس ءَ سرجمیں ملک ءَ 8864 ءَ چہ گیش سرکاری کارگس، توامیں بنجاھی سیکرٹریز، چیف سیکرٹریز ءُ آئی جیز آناں کاگد روان داتگ ایشی ءِ چیر دستی ءَ سرکاری اپسرگ وتی ٹیش بورڈز ءَ چہ ھمزوریں تبک ءِ مردم آنی شکاست آناں درج کنگ ءِ حکم داتگ ءُ ھاسیں رنگیں کودک ءُ بزگیں شہری، جنوزام، زالبول، ابنارملیں مردم آنی آسراتی ءِ واستہ ھاسیں پنت ءُ شون جاڑی کنگ بوتگ۔ پی ایم ڈلیوری یونٹ ءَ سرکاری ادارگ آنی واستہ یک شلی ءَ کار رھبند ھم جاڑی کتگ ءُ نوں ضلورت مندیں شہری وتی شکاست آنی واستہ سیادی داروکیں ادارگ آنی روگ ءِ ضلورت نہ بیت، کجام ھم نزیکیں سرکاری کارگس ءَ کارندہ شہری الس ءِ شکاست ءِ درج کنگ ءِ پابند بیت، سرکاری ادارگ شہری آنی شکاست آناں زوت سیادی داروکیں محکمہ آناں روان دیگ ءِ پابند بنت انت۔ شہری آنی آسراتی ءِ بابت ءَ سرپد کنگ ءِ گامگیج ھم بندات کنگ بیت۔
