کراچی۔7اکتوبر (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ پاکستان براڈ کاسٹرز ایسوسی ایشن ءِ کارندہ آں گند ءُ نند کت، صدر پی بی اے شکیل مسعود ءَ وزیر ءِ اھوالکاری ءَ را الیکٹرانک میڈیا صنعت ءِ استیں جیڈھ آنی بابت ءَ سرپد کت۔ بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ منی واستہ گوں شما گند ءُ نند یک مزنیں شرپے ءِ گپ ات۔ گند ءُ نند ءَ چہ پد جیڈھ آناں گہتریں رنگ ءَ پھمگ ءِ موہ رستگ، وت مہ وتی یکوئی ءُ رابطہ کنگ جیڈھ آنی گیواری ءِ واستہ المی انت۔ آ ئی ءَ گوشت کہ نہ وشیں جاور ھال کجام ھم کاروباری مردم آنی واستہ تاوان بار سہرا بنت، شما ھما جیڈھ آناں باز جوانی ءَ گوں ٹک ءُ نشان کتگ، شکاست آنی گیواری ءِ واستہ میکانزم جوڑ کنگ لوٹ ایت۔ بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ پروگرام آنی شنگ ءُ تالان ءَ مارا وتی چاگردی ءُ دود ءُ ربیدگی شرپ ءُ ازت ءَ را دیم ایر کنگ لوٹ ایت، شمے جیڈھ آنی گیواری ءِ دل یکیمی ءَ کناں، میڈیا صنعت ءِ دیمروئی ءِ واستہ واھشت ایگ باں، زمہ وار جوانیں کرد پیلو کنگ ءَ چہ ادارگ آناں گہتر جوڑ کت کناں۔
