کوئٹہ ۔7اکتوبر (اے پی پی): بنجاھی وزیر برائے منشیات ءِ گر ءُ داسر کنوک سینیٹر اعظم خان سواتی ءَ گوشت کہ کرپٹ لیڈرز وتی کرپشن ءِ ھلاس کنگ ءُ کاروبار ءَ را رکھینگ ءِ واستہ یکجا بوتگ انت۔ نواز شریف بھگوڑا ات، آئی ءَ آمید گس آنی گوما دروگ ءُ دگا کتگ۔ عوامی نیشنل پارٹی نوں پاچاخان ءِ پارٹی نہ انت، خیبر پختونخوا ءَ چہ اے این پی ءِ نام لُڈیتگ دور اتکگ، عوامی نیشنل پارٹی ءِ خیبر پختوانخوا ءِ وڑ ءَ بلوچستان ءَ چہ ھم زوت ساپ بیت۔ منشیات فروش آیوکیں باھند آنی دژمن انت۔ میڈیا ءُ سول سوسائٹی ءِ کمک ءَ چہ منشیات فروش آنی واستہ زمین تنگ کنگ بیت۔ منشیات ءِ اِلت گس ءُ وانگ جاھ آنی تہ ءَ ھمک جاھ ءَ شنگ بوتگ۔ اوگانستان ءَ چہ زمینی کشک آنی وسیلگ ءَ 80 درسد منشیات بلوچستان ءِ کشک ءَ کئیت۔ اے ھیالانی درشانی آئی ءَ چار شمبے ءِ روچ ءَ ڈپٹی سیپیکر راجی اسمبلی قاسم خان سوری، سنیٹر احمد خان خلجی، سینیٹر کہدہ بابر ءُ پاکستان تحریک انصاف ءِ سروک نظر بلوچ ایڈوکیٹ ، باری بڑیچ، ادریس تاج ءُ آصف خان ترین آئی ءِ ھمبراھ کوئٹہ پریس کلب ءَ یک پریس کانفرنسے ءَ گوں گشتانک دیان ءَ کت۔
