اسلام آباد۔7اکتوبر (اے پی پی): وزیر درئی کار مخدوم شاہ محمود قریشی ءَ گوشت کہ پاکستان ءُ سعودی عرب ءِ یکوئی جھلانکیں ءُ کوھنین انت، سعودی عرب ءِ رکھینگ ءِ واستہ ما سعودی عرب ءِ گوما ھمگام ءَ اوشتاتگ آں۔ ترجمان درئی کارانی کارگس ءِ رد ءَ وزیر ءِ درئی کار شاہ محمود قریشی ءَ چار شمبے ءَ وتی سعودی ھمکار شہزادہ فیصل بن فرحان آل سعود ءَ گوں ٹیلی فونک رابطہ کت۔ دوئیں وزیر ءِ درئی کار ءَ گپ ءُ تران ءِ ساھت ءَ دوئیں نیمگ ءَ یکوئی، پڑ ے جاور ھال آں ھوار وت مہ وتی واھگی کار آنی ھوالگ ءَ ھیال ریچی کت۔ وزیر ءِ درئی کار ءَ گوشت کہ پاکستان ءُ سعودی عرب ءِ نیام ءَ جھلانکیں یکوئی ءُ دوستی است انت۔ آئی ءَ گوشت کہ سعودی عرب ءِ سالمیت ءِ واستہ ما سعودی عرب ءِ گوما ھمگام ءَ اوشتاتگ آں۔ دوئیں وزیر ءِ درئی کار آں ارزشتی ایں دمگی ءُ میاں اوستمانی جیڈھ آنی ھوالگ ءَ شور ءُ مشور ءَ را جاڑی دارگ ءِ سر ءَ تپاک کت۔
