کراچی ۔7اکتوبر (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَگ وشت کہ توامیں دمگ آناں ھمگامی ءَ دیمروئی دیگ حکومت ءِ اولی کار انت، سیاسی بُکگ وتی جاھ ءَ ، السی جیڈھ آنی گویواری ءِ واستہ کوشست کنگ ءَ آں۔ اے ھیالانی درشانی آئی ءَ چار شمبے ءِ روچ ءَ ادا پاکستان ءِ جوڑیشت کار قائداعظم محمد علی جناح ءِ مزار ءِ سر ءَ حاضر ی ءَ پد اھوالکاراں گوں تران کنان ءَ کت۔ سینیٹر شبلی فراز ءَ پُل آنی چادر مزار ءِ سر ءَ پر دات ءُ دعا ءُ نیک کت۔ ایشی ءَ چپ پد مہمان آنی ھیال آنی درشانی ءِ ھاترا ایر کتگیں کتاب ءِ اندر ءَ وتی ھیالانی درشانی کت انت۔ اے موہ ء، سر ءَ آئی ءِ ھمبراھی ءَ پاکستان تحریک انصاف ءِ بنجاھی نائب ءُ سندھ اسمبلی ءَ پارلیمانی لیڈر صدر حلیم عادل شیخ ءُ ایندگر ھم ساڑی اتنت۔ سینیٹر شبلی فراز ءَ گوشت کہ کراچی ءِ جیڈھ آنی گیواری ءِ واستہ بنجاھی حکومت ءَ دیمروئی پیکج ءِ جار جتگ، کراچی پاکستان ءِ معاشی حب انت، قائداعظم ءِ شہر ءِ توامیں دیمروئی منصوبگ آناں سرجم کناں، مئے توامیں گامگیج آنی مول ءُ مراد کراچی شہر ءَ را ریلیف دیگ انت، کراچی ءِ مردم آناں گیچین کاری ءَ تحریک انصاف ءِ سر ءَ دل یکیمی ءِ درشان کتگ۔ آئی ءَ گوشت کہ جاک ءُ کوکار کنوکیں سیاست کنوک آنی وتی نپ ءُ سیت آوانی جاک ءُ کوکار ءِ پشت ءَ است انت۔ الس آں تحریک انصاف ءَ را کرپشن ءُ کیساگری ءِ ھاترا مینڈیٹ داتگ، راج زاتی سیت ءِ ھاترا ادارگ آنی ھلاپ ءَ اچ وڑیں گامگیج سگ ءُ اوپار نہ کنت۔
