شہید بوھوکیں پاک اُرد ءِ اپسرگ ءُ ورنا آنی قربانی مپت ءَ نہ روت، سرجمیں ایمنی ءُ برجائی ءَ تاں ناشرکار آنی ھلاپ ءَ جنگ ءَ جاڑی دار آں ، جنرل قمر جاوید باجوہ

راولپنڈی۔7اکتوبر (اے پی پی):پاک اُرد ءِ سروک جنرل قمر جاوید باجوہ ءَ گوشت کہ شہید بوھوکیں پاک اُرد ءِ اپسرگ ءُ ورنا آنی قربانی مپت ءَ نہ روت، سرجمیں ایمنی ءُ برجائی ءَ تاں ناشرکاری ءِ ھلاپ ءَ جنگ ءَ جاڑی دار آں۔ پاک اُرد ءِ شوبگ (آئی ایس پی آر) ءِ رد ءَ پاک اُرد ءِ سروک جنرل قمر جاوید باجوہ گوں وتی لوگ بانک ءِ ھمبراھی ءَ کرنل مجیب الرحمن شہید ءِ گس ءَ شت انت ءُ آئی ءِ گس ءِ مردم آنی گوما دلپدردی ءِ درشان ءُ شہید ءِ برز ءُ بلندیں درجگ آنی واستہ پاتیہ وانی کت۔ اے موہ ءِ سر ءَ پاک اُرد ءِ سروک جنرل قمر جاوید باجوہ ءَ گوشت کہ پاک اُرد ءِ اپسرگ ءُ ورنا آنی قربانی مپت ءَ نہ روت۔