کراچی۔7اکتوبر (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوں اے پی این ایس ءِ کارندہ آں گند ءُ نند کت۔ صدر اے پی این ایس حمید ہارون ءَ وزیر ءِ اھوالکاری ءَ را پرنٹ میڈیا ءُ ھاسیں رنگ ءَ سندھی اھوالتاک آنی جیڈھ آنی ھوالگ ءَ سرپد کت۔ اے موہ ءِ سر ءَ سیکرٹری جنرل اے پی این ایس سرمد علی ءُ ایندگر کارندہ آں ھم ھیالانی درشانی کت۔ بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ من شمے گوما مل اتگ آں گڈا منا سک باز گل ءُ شاتی رستگ ءُ من سما کتگ کہ شما منی وتیگ ات، منی وش بھتی انت کہ منی وزارت نبشتہ کار بزاں ندکاریں تبک ءِ مردم ایگ انت، وتارا شمے سیاد سما باں، شمے جیڈھ زوت گیوار بنت، ھرکس کہ الکارانی گوما سیادی نہ دار ات، ایشاناں وتی توک ءَ چہ بہ کش ات۔ بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ ڈمی اھوالتاک آنی نشان دیگی انت، اے رنگیں چیز اھوالکار آنی ارزشت ءَ را آماچ کن انت، اے رد ءَ اے پی این ایس ءِ کمک پکار انت۔ آئی ءَ گوشت کہ پاکستان تحریک انصاف ءِ حکومت اشتہار آنی بھر ءُ بانگ ءِ میکانیزم ءَ را ساپ ءُ سلہ جوڑ کتگ، انچیں رپک ءُ رھبند ءِ آرگ لوٹاں کہ آئی ءِ تہ ءَ توامین آناں ھمکچیں آسراتی ءُ سیت بہ رس ایت۔ کار آناں ساپ ءُ سلہ ایں رنگ ءَ چلائینگگ ءَ توامیں جیڈھ آنی گیواری بیت، آئی ءَ گوشت کہ سندھ ءَ ھوار ایندگر دمگی اھوالتاک مئے واستہ سک باز ارزشتی انت
