لاہور۔ 06 اکتوبر (اے پی پی) پاکستان تحریک انصاف نا سینئر مرکزی راہشون و مسکوہی بنجائی وزیر ہمایوں اختر خان پارینے کہ نواز شریف نا لندن اٹی ہرااوڑدہیک مننگ ءُ پاکستان نا ہراادارہ غاتے دانا معلوم مرے او داڑآن جوان معلومدار ءُ۔ نواز شریف و مریم نواز پارٹی ءِ پنوک خننگ ءُ، نواز شریف فوج ءِ انت اکن زوراکی اٹ داسیاسی باندات آتیٹی اتنگ خواہک۔ داڑے تینا دفتراٹی اوڑدہی کن بروک آ پارٹی ڈل اتون گپ وتران کرسا ہمایوں اختر خان پارے کہ پاک فوج ننا قومی سلامتی و سوگوی نا ضامن ءِ وخت اس کہ داوڑنا حالیت آتیٹی نواز شریف نا بیانیہ مخالف آتے سوگوی ایتک۔ اوپارے کہ سیم تا رکھ و دہشت گردی نا برخلاف جنگ اٹ پاک فوج بے پناہ قربانی تسنے۔ ملک اٹ نوکاپ، زمی جمب برے یا ملخ آک مریر فوج ءِ ہی بٹنگک ولدا انت اکن اوفتا قربانی تے گوجالنگک۔ ہمایوں اختر خان پارے کہ مسلم لیگ (ن) نا تہہ ٹی مروک آ دراڑآک بھلن مننگ ءُ، نواز شریف و مریم پارٹی ءِ پنوک خننگ ءُ۔
