ہری پور۔ 06 اکتوبر (اے پی پی) بنجائی وزیر توانائی پٹرولیم و قدرتی وسیلہ عمر ایوب خان کھوئی میرا ٹی چار کروڑ پنجا ءُ یک لکھ روپئی نا خڑچ آن سوئی گیس انا فراوانی نا ڈٹ انا بناءِ کرینے دا بابت بنائی دود اس اڈ ہلک ہراٹی مچ آ علاقہ غان سیاسی و راجی شخصیت و الس علاقہ نا بھلو کچ اسے ٹی بشخ ہلکر۔ دود آن راہشون تحریک انصاف مسکوہی صوبائی وزیر یوسف ایوب خان چیئرمین ڈیڈک ایم پی اے ارشد ایوب خان و ایلوفک ہم تران کریر۔ عمر ایوب خان گیس انا فراوانی نا ڈٹ انا بناءِ کننگ آن پد السی جلسہ غان تران کرسا پارے کہ او اِراسال انا گونڈ ءُ وخت اسے ٹی شونداری اسکیم خاص کر گیس و بجلی نا فراوانی نا ڈٹ آتا جال اس تالان کرینے و او کٹنگ و باتننگ ءِ مون آ تخنگ نا جاگہ غا غٹ علاقہ غاتیٹی بے پرخ کاریم کننگ ءِ۔ مچ آ ضلع نا ہمو جاگہ غاتیا گیس انا ڈٹ آتیا کاریم برجاءِ ہراڑے ہچ کس سجفنگ ہم کتوکہ، ہنداوڑ بجلی نا مد اٹ پوسکن آ فیڈر نا خلنگ، سد آ ٹاسفارم آتا فراوانی و اپ گریڈیشن نا کمک اٹ مش تا ٹل آتیا ہم بجلی نا وولٹیج ءِ پورو کرینے وخت اس کہ داسہ ارب آتا خڑچ آن کیہی فیڈر و گریڈ اسٹیشن نا اسکیم تیا کاریم برجاءِ اوفتا پوروی آن ہری پور اٹ بروک آ پنجا شست سال آتیکن بجلی نا ویل ایسر مریک۔ اوپارے کہ کھوئی میرا نا ایب و کیب اٹ گیس انا فراوانی و بجیل نا ویل آتا ایسری کن کروڑ آ روپئی نا اسکیم تیا کاریم ترندی اٹ برجاءِ۔ اوپارے کہ داسہ پیسکو ءِ کے پی ٹی بجلی نا ایلو ویل آتا ایسری کن پانزدہ آن بیست ارب روپئی نا فنڈ پین فراوان کننگک نن دا ہُپننگ اُن کہ ننے ہراکان سرسہبی مس و ہراکان بے سہبی بلکن بے پرخ مچ آ ضلع نا الس نا نمائندگی نا حق ءِ ادا کننگ اُن۔
