اسلام آباد۔ 06 اکتوبر (اے پی پی) پاکستان تون اوار مچ آ دنیا ٹی ڈاک انا دے ءِ 9 اکتوبر آ اڈتننگک۔ دادے انا اڈتننگ نا مسخت الس اٹ ڈاک انا فائدہ غاتا بابت آگاہی فراوان کننگ ءِ۔ 1874اٹی دادے سوئٹزر لینڈ انا شار ’’برن‘‘ انا ہند آ جہانی ڈاک انا بابت کانفرنس مس ہراٹی جنرل پوسٹل یونین پنی تنظیم نا بنداو ءِ تخنگا۔ دا معاہدہ ءِ 22 ملک آک منظور کریر۔ ڈاک انا جہانی دے انا وخت آ مچ آ ملک اٹی ڈاک انا فائدہ غاتا بابت آگاہی واکس، سیمینار و مذاکرہ غاتا بست و بند ءِ کننگک۔
