لاہور۔ 06 اکتوبر (اے پی پی) وزیر جان جوڑی پنجاب ڈاکٹر یاسمین راشد پارینے کہ دماغی جان جوڑی نا جہانی دے ننے ذہنی مرض اٹ اختہ مریض آتا خاص خیال ءِ تخنگ نا کلہو ایتک، ذہنی معذوری نا گواچی مریض زیات چکار نا حقدار مریرہ۔ حکومت پنجاب ذہنی معذوری نا گواچی مریض آتا بحالی کن بنداوی گام گیج کننگ ءِ۔ داخیال آتا درشانی ءِ او کنگ ایڈورڈ میڈیکل یونیورسٹی ٹی ورلڈ مینٹل ہیلتھ ڈے انا رداٹ اڈ ہلوک آ آگاہی سیمینار آن تران کرسا کرے۔ داوخت آ پروائس چانسلر کنگ ایڈورڈ میڈیکل یونیورسٹی پروفیسر ڈاکٹر خالد مسعود گوندل، سی او او مئیو ہسپتال پروفیسر ڈاکٹر اسد اسلم خان، ڈاکٹر آفتاب آصف، پروفیسر ڈاکٹر عائشہ شوکت، پروفیسر ڈاکٹر بلقیس و ڈاکٹر علی ہاشمی آن بیدس فیکلٹی باسک آک و طالب علم آتا بھلو کچ اس ہم بشخ ہلکر۔
