اسلام آباد۔ 05 اکتوبر (اے پی پی) وزیراعظم عمران خان بنجائی دارالحکومت اٹی ماڈل رہینگ نا جاگہ غاتا جوڑ کننگ و اوفتے ٹی تروک آ آب اٹنگاآسراتی تیا است جمی نا درشانی ءِ کرسا پارے کہ بے سیبو و نزور بندغ آتا گرج آتے پورو کننگ ریاست نا زمواری ءِ، وزیراعظم پارت کرے کہ رہینگ انگ نا جاگہ غاتیٹی تروک آ آسراتی تا آب آ ہچ وڑنا سمجھوتہ کننگپ و رہینگ انگ نا جاگہ غاتیٹی اڈکروک آ مزور، بے سیبو بندغ آتا خذمت ءِ پک کننگے، آب اٹنگا پناہ گاہ تا جوڑ کننگ و اوفتا نیٹ ورک ءِ ودفنگ نا بابت حکومت نا کنڈآن غٹ ممکنہ وسیلہ فراوان کننگ تون اوار اوار سخی تا ہم است بڈی ءِ کننگک۔ پاکستانی قوم اٹ خذمت خلق انا بے پناہ جوزہ ارے۔ و حکومت نا کنڈآن داوڑنا کوشست آتا ستاءِ کننگک۔ داخیال آتا درشانی ءِ او دوشنبے نادے آ داڑے او بنجائی دارالحکومت اٹی جوڑ پنچ پناہ گاہ تا اپ گریڈیشن و ملک انا ایلو بشخ آتیٹی گچین آسراتی تیان شُپ پناہ گاہ تا مفصل نیٹ ورک انا جوڑ کننگ نا بابت دیوان نا کماشی ءِ کرسا کرے۔ دیوان اٹی خصوصی کمکار راجی رکھ ڈاکٹرثانیہ نشتر، سیکرٹری تخفیف نیزگاری و راجی رکھ محمد علی شہزادہ، ایم ڈی بیت المال عون عباس بپی و ایلو سینئر آفیسر آک ساڑی ئسر۔ خصوصی کمکارراجی رکھ ڈاکٹر ثانیہ نشتر وزیراعظم ءِ بنجائی دارالحکومت اٹ جوڑ پنچ پناہ گاہ تا اپ گریڈیشن و اوفتیٹی اڈ کروک آ بے سیبو و نیزگار مزوروایلو حقدار بندغ آتے فراوان کروک آ گچین آسراتی تا بارواٹ سرجم حوال تس۔ ڈاکٹر ثانیہ پارے کہ پناہ گاہ تیٹی رہینگوک آ بندغ آتا ڈیٹا ءِ ہڑدے ئی بنداو آ جوڑ کننگک تانکہ دا حساب وکتاب ءِ ہراڑے سروس نا گچینی کن کاریم اٹ اتنگ مرے ہموڑے دا ڈیٹاداخیر انا کاریم اٹ حکومتی کوشست آتون تفوک آ سخی و ایلو ڈونرآتون ہم شیئر کننگ مرے۔ ایم ڈی بیت المال عون عباس بپی مچ آ ملک اٹی پناہ گاہ تا نیٹ ورک ءِ ودفنگ نا بابت روڈمیپ وزیراعظم ءِ پیش کرے۔ پناہ گاہ تا نظام ءِ آخبتی بنداو تیا استوار کننگ نا بابت وزیراعظم بیت المال نا کانود اٹ ترمیم کننگ نا ہم اصولی منظوری ءِ تس۔ وزیراعظم بنجائی دارالحکومت اٹ ماڈل پناہ گاہ تا جوڑ کننگ و اوفتے ٹی تروک آ آب اٹنگا آسراتی تیا است جمی نا درشانی ءِ کرسا پارے کہ بے سیبو و نزور بندغ آتا گرج آتے پورو کننگ ریاست نا زمواری ءِ و دارداٹ حکومت ہروڑنا کوشست کیک۔ وزیراعظم پارت کرے کہ پناہ گاہ تیٹی فراوان کروک آ آسراتی تا آب آ ہچ ءُ سمجھوتہ اس کننگپ و پناہ گاہ تیٹی اڈ کروک آمزور، بے سیبوبندغ آتا داانداز اٹ خذمتءِ پک کننگے کہ ہراڑے اوفتے رہینگ انگ و کُن و خور ناگچین آسراتی دُوبرے ہموڑے اوفتا عزت نفس انا رکھ ءِ ہم پک کننگے۔ وزیراعظم پارے کہ آب اٹنگا پناہ گاہ تاجوڑ کننگ و اوفتا نیٹ ورک ءِ ودفنگ نا بابت حکومت نا کنڈآن غٹ ممکنہ وسیلہ فراوان کننگ تون اوار اوار سخی تا ہم است بڈی ءِ کننگک۔ وزیراعظم پارے کہ پاکستانی قوم اٹ خذمت خلق انا بے پناہ جوزہ ارے و حکومت نا کنڈآن داوڑنا کوشست آتا ستاءِ کننگک۔
