اسلام آباد۔5اکتوبر (اے پی پی): مزن وزیر عمران خان ءَ گوشت کہ زھگ آنی سٹنٹنگ ءِ گر ءُ دار کنگ حکومت ءِ اولی ترجی داتگیں کار آںی تہءَ ھوار انت، بنجاھ اے بابت ءَ واتی جوانیں کرد ءَ پیلو کنت انت۔ سٹنٹنگ ءِ گر ءُ دار ءِ واستہ ٹوھیں روڈ میپ جوڑ کنان ءَ یکجائی سیتی کونسل ءَ را پیش کنگ بیت۔ اے ھیالانی درشان آئی ءَ دو شمبے ءَ وتی سروکی ءَ پاکستان نیشنل نیوٹریشن کوآرڈینیشن کونسل ءِ اولی مزن تکی دیون ءَ گوں گشتانک دیان ءَ کت۔ دیوان ءَ بنجاھی وزیر سفقت محمود، ڈاکٹر فہمیدہ مرزا، سید فخر امام، اسد عمر، شمیر تجارت عبدالرزاق دائود، ھاسیں کمکار ڈاکٹر ثانیہ نشتر، ملک امین اسلم ، ڈاکٹر فیصل مرزا، سیادی داروکیں وزارت آنی سیکرٹری صاحب ءُ کلانہ ایں اپسرگ آں بھر زوری کت۔ صوبائی چیف سیکرٹری صاحب آں ویڈیو لنک ءِ وسیلگ ءَ دیوان ءَ بھر زوری کت۔ تات دارگ بہ بیت کہ مزن وزیر عمران کان ءَ راج ءَ را وتی اولی گشتان وردن ءُ وراک ءِ ڈکالی ءُ ملاوٹیں وردن ءُ وراک ءِ سبب ءَ زھگ آنی نادراھی ءُ سٹنٹنگ “نشوونما” ءِ سر ءَ ھرابیں رند پد نکش بوھگ ءِ سر ءَ دلگوش کنان ءَ ایشرا حکومت ءِ اولی ترجی داتگیں کار گوشت۔ مزن وزیر ءِ وژن ءُ حکومتی ترجی آناں پکوئیں رنگ ءُ سٹنٹنگ ءِ گر ءُ دار ءِ ھوالگ ءَ بنجاھ ءُ صوبگ آنی تک ءَ کوارڈیشنیشن ءَ را گہتر ءُ برجم ءُ اے ھوالگ ئَ سرجمیں پروگرام کنگ ءِ واستہ راجی تک ءَ نیشنل نیوٹریشن کوآرڈینیشن کونسل جوڑیشت کنگ بوتگ۔ مزن وزیر ءِ ھاسیں کمکار برائے جان سلامتی ءُ ھاسیں کمکار برائے چاگردی رکھینگ ءَ را پنت ءُ شون کت کہ صوبگ آنی شور ءُ مشور ءَ چہ سنٹنٹنگ ءِ گر ءُ دار ءِ واستہ ٹائم لائنز آنی رد ءَ پکوئیں ءُ ٹوھیں روڈ میپ جوڑیشت کنگ بہ بیت ایشرا یکجائی سیتی کانسل ءَ پیش کنگ بہ بیت۔
