اسلام آباد۔ 05 اکتوبر (اے پی پی) صدر مملکت ڈاکٹر عارف علوی دوشنبے نادے آ پوسکن آ امیر قطر شیخ نواف الاحمد الجابر الصباح تون کویت سٹی ٹی اوڑدہی کرے و ایماندار امیر قطر شیخ صباح الاحمد الجابر الصباح نا کزیت آ ہڑزخواہی کرے۔ ایوان صدر نا کنڈآن داڑے جاری بیان نا رداٹ صدر مملکت دوشنبے ناسہب اتون کویت آ سرمس۔ اوحکومت پاکستان و الس نا کنڈآن کویت نا سرکڑدہ و قوم اتون امیر کویت نا کزیت آ ہڑزخواہی کرسا دلی ہمدردی نا درشانی ءِ کرے۔ صدر مملکت عارف علوی ایماندار امیر قطر شیخ صباح الاحمد الجابر الصباح ءِ پاکستان نا مخلص و آزموندہ سنگت گوندا ہرا ہڑتوم آ ملک آتا الس ءِ خڑک اتنگ اٹ بھلو کڑد اس ادا کرے۔ صدر مملکت پارے کہ علاقائی امن و سوگوی و ہڑتوم آ کنڈآتا تعلقداری نا رداٹ ایماندار امیر قطر شیخ صباح الاحمد الجابر الصباح نا کوشست آتے مدام یات تخنگک۔
