اسلام آباد۔ 05 اکتوبر (اے پی پی) وزیر خارجہ مخدوم شاہ محمود قریشی پارینے کہ یورپ تون اوار مچ آ دنیا ٹی رہینگوک پاکستانی کمیونٹی ننا نہادی میرات ءُ ۔ کورونا دین انا زرگزرانی زہم تتون مون تننگ کن نن تعلقدار وزارت آتون اواری اٹ تینا ایکسپورٹ و ہڑتوم آ کنڈآتا واپار نا کچ اٹ ودکی کن کوشست کننگ اُن۔ داہیت ءِ او چیئرمین یورپین پاک فرینڈ شپ فیڈریشن یورپ چوہدری پرویز اقبال لوسر تون گپ وتران کرسا پارے۔ ہرا دوشنبے نادے آ وزارت خارجہ ٹی اوڑتون اوڑدہی کرے۔ اوڑدہی ٹی یورپ اٹ رہینگوک پاکستانی کمیونٹی نا ویل آتون اوار تین پہ تینی است خواہی نا باندات آ گپ وتران کننگا۔ چوہدری پرویز اقبال لوسر وزیر خارجہ ءِ پاک یورپ فرینڈ شپ فیڈریشن نا سرجز و یورپ اٹ رہینگوک آ پاکستانی تا ویل آتا بابت حوال تس۔ وزیر خارجہ پارے کہ یورپ تون اوار مچ آ دنیا ٹی رہینگوک پاکستانی کمیونٹی ننا نہادی میرات ءُ اوفتا راجی آسراتی و اوفتے مون تروک ویل آتے اولیتی بنداو تیا ایسر کننگ ننا اولیت آتیٹی اوار ءِ۔ پیشن نا ملک آتیٹی رہینگوک پاکستانیک کورونا دین اتون اوار ہر مشکل وخت اٹ پاکستان تون است انا حب اٹ تفیر۔ پیشن نا زرکار آتے پاکستان اٹ زرکاری نا دُوبروک وارخواہی تیان درستی راستی کرفنگ و حکومت نا کاروباردوست پالیسی تیان آگاہی ترفنگ کن نن زرگزرانی سفارتکاری نا بناءِ کرینن۔ شاہ محمود قریشی پارے کہ ننا زرگزرانی سفارتکاری نا سوب اینو بھاز انگا یورپی ملک آک پاکستان اٹ زرکاری نا خواہندار ءُ۔ کورونا دین انا زرگزرانی زہم تتون مون تننگ کن نن تعلقدار وزارت آتون اواری اٹ تینا ایکسپورٹ و ہڑتوم آ کنڈآتا واپار نا کچ اٹ ودکی کن کوشست کننگ اُن۔ چیئرمین یورپین پاک فرینڈ شپ فیڈریشن چوہدری پرویز اقبال لوسر گچین خارجہ پالیسی ءِ تینا کننگ و مقبوضہ کشمیر تون اوار غٹ اہم خارجہ باندات آتے غٹ جہانی فورم تیا تالان کننگ آ وزیر خارجہ ءِ مبارکبادی تس۔
