اسلام آباد۔ 05 اکتوبر (اے پی پی) این سی او سی ٹی کورونا دین انا بابت ہڑدے نا حالیت آتیا فورم ءِ معلومدار کننگا کہ ماسک بیننگ، راجی فاصلہ غاتیا عملدرآمد مفننگ نا سوب آن دا دین انا تالانی ٹی کمکار مننگ کیک۔ بنجائی وزیر ڈٹ بندی، شونداری، اصلاحات و خصوصی گام گیج اسد عمر پارینے کہ دین انا تالانی و توننگ نا گام گیج آتا چاروکی المی ءِ۔ ماسک بیننگ کورونا دین انا تالانی ءِ کنٹرول کننگ اٹ کمک ایتک۔ اسد عمر مستی پارے کہ ایس او پی تیا عملدرآمد آن یخ آتیٹی دا دین انا ارٹ میکو لہر آن بچنگ مریک۔ شادی ہال و ریسٹورنٹ ناجوڑی تا تالانی نا بھلا ہند آک مننگ ءُ۔ این سی او سی جان جوڑی نا راہشون، پروٹوکول آتیا عمل کننگ نا کوشست آتیا تعلیمی بشخ آتا ستاءِ کرے۔
