اسلام آباد۔ 05 اکتوبر (اے پی پی) احتساب عدالت پارک لین و ٹھٹھہ واٹر سپلائی ریفرنس آتیٹی مسکوہی صدر آصف علی زرداری آ فرد جرم ءِ بیٹ کرینے۔ عدالت پارک لین و ٹھٹھہ واٹر سپلائی ضمنی ریفرنس اٹ شاہد آتے بٹنگا۔ دوشنبے نا دے آ احتساب عدالت نا جج اعظم خان پارک لین و ٹھٹھہ واٹر سپلائی ضمنی ریفرنس آتیا سماعت کرے۔ سماعت اٹی شریک دوبہ دار شیر علی پارے کہ تدوک آ سماعت آ طب انا ناساز مننگ نا سوب پیش مننگ کتوٹ۔ مسکوہی صدر آصف علی زرداری تون اوار ایلو دوبہ دار آک صحت جرم آن انکار کرینو۔ عدالت نیب ءِ پارک لین ریفرنس اٹ 20 اکتوبر وخت اس کہ ٹھٹھہ واٹر سپلائی ریفرنس اٹی 21 اکتوبر آ گواہ پیش کننگ نا پرمان کرے۔ بروک آ سماعت آ ہڑتوم آ ریفرنس آتیٹی مسہ، مسہ گواہ پیش کننگک۔
