مسلم لیگ (ن) الس آنی دیم ءَ اے رنگیں گپ پیش کنگ ءَ کہ ایشانی سیادی گوں راستی ءَ اچ رنگ ءَ نیست، مسلم لیف (ن) ءَ لُٹ ءُ پُل ءُ کرپشن ءِ سوا اے ملک ءَ دگہ اچ نہ کتگ، بنجاھی وزیر اھوالکاری ءُ شنگ کاری سینیٹر شبلی فراز ءِ پریس کانفرنس

اسلام آباد۔4اکتوبر (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ مسلم لیگ (ن) الس ءِ دیم ءَ اے رنگیں گپ جنگ ءَ انت آوانی سیادی گوں راستی ءَ اچ رنگ ءَ نیست، مسلم لیف (ن) ءَ لٹ ءُ پل ءُ کرپشن ءِ سوا اے ملک ءَ دگہ اچ نہ کتگ، گوستگیں حکوقمت ءَ الس ءِ گوما دژمنی ءَ ابید اچ نہ کتگ۔ نواز شریف ءِ حکومت ءَ توان ءِ شوبگ ءَ گرانیں کنٹریکٹ کتگ، توان گران بھائی ءِ بنیاتی سبب نواز شریف حکومت ءِ گران بھائیں منوگری انت، حکومت ءِ نیت شر بوتگ پمے ھاترا ملک ءِ معاشی جاور ھال گہتر جوڑ کنگ ءَ کامیات بوتگ انت، حکومتی آمدن ءُ ھرچ ءُ درچ بروبر انت، سی پیک پاکستان ءُ چین ءِ بے دروریں دوستی ءِ درور انت، سی پیک منصوببگ آناں زوتاں زوت سرجم کنگ لوٹ ایت، اے زاناں کہ اگاں حکومت کامیات بوت گڈاس ایشی یے اچ آیوکیں باندات نہ بیت، مزن وزیر عمران خان انچیں لیڈر ات کہ آئی یے سر ءَ ھرچی پریشر لڈگ بہ بیت آ گیش مھکم بیت۔ عمران خان انچیں لیڈر ات کہ ملک ءَ را اولی رنگ ءَ رستگ، مسلم لیگ (ن) ءَ ھرچی تران کتگ ایشاں گوں آئی ءِ سر ءَ کیس جوڑ کنگ ءَ اچ رنگیں سیادی نیست، سی پیک اتھارٹی ءِ کانود ءَ را 15 ءَ چہ 20 روچ ءَ پاس کنائیناں، ھمک تک ءَ نواز شریف ءِ واپسی ءِ وستہ کوشست کنگ ءَ آں، لسانیت ءِ وسیلگ ءَ اے نیک راھ آناں وت مہ وت دور ءُ نہ وشی پیداک کنگ ءِ کوشست کنگ ءَ انت۔ اے ھیالانی درشانی آئی ءَ یک شمبے روچ ءَ پی آئی ڈی ءَ پریس کانفرنس ءَ گوں گشتان دیان ءَ کت۔ بنجاھی وزیر ءَ گوشت کہ ما چارگ ءَ آں کہ مرچاں پریس کانفرنس بوھگ ءَ انت، مسلم لیف (ن) ءِ ترجمان ٹوھیں ٹوھیں دروگ بُراں، الس ءِ دیم ءَ انچیں گپ پیش کنگ بوھگ ءَ انت کہ ایشانی نزیکیں گوں راستی ءَ اچ نیست۔ الس ءِ سیت آنی ٹھیکہ دار وتی حکومت چلائینتگ، آئی ءَ الس دژمنی ءَ ابید اچ کار نہ کتگ۔ آئی ءَ گوشت کہ اپوزیشن ھاسیں رنگ ءَ مسلم لیگ (ن) پاکستان ءَ ایوک ءَ سروکی ءِ ھاترا اتکگ، مسلم لیگ (ن) ءَ لُٹ ءُ پُل ءُ کرپشن ءَ ابید اے ملک ءَ اچ نہ کتگ۔