ننکانہ صاحب۔4اکتوبر (اے پی پی): بنجاھی وزیر توکی کار اعجاز احمد شاہ ءَ گوشت کہ ھدا ءِ وش کنگ ءِ واستہ بنی آدم آنی ازمت ضلوری انت۔ انصاف ءَ ابید راج ءُ ملک ءِ دیمروئی بوت نہ کنت، اے ملک ءِ ھلاپ ءَ 1947 ءَ چہ پندل کنگ بوتگ، کشمیر پندل آنی سبب ءَ بھارت ءَ را دیگ بوتگ، نوں ملک ءِ ھلاپ ءَ پندل جاڑی انت، پیپلز پارٹی ءُ (ن) لیگ ءَ ملک ءَ را گرگ کتگ۔ آ یک شمبے ءِ روچ ءَ ننکانہ صاحب ءَ خواجہ اویس ویلفیئر فائونڈیشن ءِ سلور جوبلی مراگش ءَ ایوارڈ بھر ءُ بانگی مراگش ءَ گوں گشتانک دیگ ءَ ات۔ وزیر ءِ توکی کار اعجاز احمد شاہ مراگش ءَ ھاسیں مہمان ءِ بستار ءَ بھر زوری کنگ ءَ ات ءُ فائونڈیشن ءِ چاگردی ازمت آناں توسیپ ءُ ستا پیش کت۔ اے موہ ءِ سر ءَ وزیر ءِ توکی کار فائونڈیشن ءِ کارندہ آناں ایوارڈ بھر ءُ بانگ کت۔ وزیر ءِ توکی کار ءَ فائونڈیشن ءِ بست ءُ بند ءَ چہ چلوکیں مریم ٹرسٹ ہسپتال ءِ تر ءُ تاب ھم کت ءُ ہسپتال ءِ جتا جتائیں شوبگ آنی چار ءُ تپاسی ھم گپت ءُ ہسپتال ءَ مریض آناں پجاری کتگیں آسراتی ھم چکاس ات۔ خواجہ اویس ویلفیئر فائونڈیشن ءِ نیمگ ءَ وزیر ءِ توکی کار ءَ پاگ ھم سر ءَ بندگ بوت۔
