اسلام آباد۔4اکتوبر (اے پی پی): مزن وزیر عمران خان ءَ پنت ءُ شون کت کہ سردی آنی تہ ءَ کورونا وائرس ءِ دومی بھر ءَ چہ رکھینگ ءِ واستہ فیس ماسک ءِ کارمردی ءَ را دل یکیمی جوڑ کنگ بہ بیت۔ یک شمبے ءِ روچ ءَ وتی ٹویٹ ءَ مزن وزیر عمران خان ءَ گوشت کہ ایندگر ملک آنی مقابلہ ءَ اللہ تعالی ءَ پاکستان ءِ سر ءَ مہربانی کتگ ءُ اے ھوپ ءِ نیگیٹیو رند پد نکش بوتگ۔ آئی ءَ اے نہ وشی ءِ درشان کت کہ سردی ءِ موسم ءَ ایشی یے دومی بھر گور جت کنت۔ مزنوزیر عمران خان ءَ راج ءِ ھمک مردم ءَ را پنت ءُ شون کت کہ آ فیس ماسک پر بکن انت ءُ السی مچی جاھاں روگ ءَ چہ وتارا بہ پھریزاں۔ آئی ءَ توامیں ادارگ ، کارندہ ءُ وانگ ءُ زانگی ادارگ آناں پنت ءُ شون کت کہ اے گپ ءَ را دل یکیمی جوڑ کنگ بہ بیت کہ ھمک مردم فیس ماسک پر بکنت۔ مزن وزیر عمران خان ءَ اے بیان ملک ءَ کورونا وائرس ءِ کیسز ءَ کسانیں گیشی ءَ چہ پد دیم ءَ اتکگ انت۔
