اسلام آباد۔3اکتوبر (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ نواز شریف بہ گوشیت کہ آئی ءَ وتی مڈی چتور جوڑ کتگ انت۔ وتی یک ٹویٹے ءِ تہ ءَ شمبے ءِ روچ ءَ بنجاھی وزیر ءَ نواز شریف ءَ را جست گپت کہ آ بہ گوشیت کہ آئی ءَ وتی مڈی چتور جوڑ کتگ انت ءُ چتور وتی دولت ڈن ملک ءَ روان داتگ انت۔ سینیٹر شبلی فراز ءَ گوشت کہ نواز شریف موسم آنی وڑ ءَ وتی لیکہ آناں مٹ کنت۔ آئی ءَ گوشت کہ نواز شریف وھد ءِ سروکی ءَ چہ ڈن بیت گڈا آ آشوبی سروک ءَ جوڑ بیت ءُ وھد ءِ سروکی ءَ بیت گڈا آ یک زوراک ءِ جوڑ بیت۔ بنجاھی وزیر اھوالکاری ءُ شنگ کاری ءَ گوشتکہ وتی سیٹ ءِ روگ ءِ زد ءَ آ گوں پاکستان ءَ مہ گیپت۔
