لاہور۔3اکتوبر (اے پی پی): بنجاھی وزیر ریلوے شیخ رشید احمد ءَ پیسریگیں مزن وزیر محمد نواز شریف ءُ مریم نواز ءَ گوں 30 جست آنی پسو گپت، شمبے ءِ روچ ءَ ریلوے ھیڈ کوارٹر لاہور ءَ پریس کانفرنس ءَ جست آناں سہرا کنان ءَ آئی ءَ گوشت کہ نواز شریف ءَ وتی پارٹی ءِ باسک آں گوں دل یکیمی نیست ھمے ھاترا سروکی ءَ اتکگ گڈا شریں شریں سیٹ وتی ءُ وتی ھاندان ءِ مردم آناں بھر کتگ انت۔ نوں بوت کنت شاہد خاقان عباسی یا خواجہ آصف ء را پارٹی ءِ سروکی ءَ پرچہ مہ دنت، نواز شریف ھما جنرل ظہیر الاسلام ءِ ھلاپ ءَ گپ جنت، بہ گوشیت کہ آئی ءَ وتی گڈی نمدی ءِ توک ءَ چے ننشتہ کتگ بوتگ۔ نواز شریف ءَ آ نمدی ءِ تہ ءَ جنرل ظہیر الاسلام آء، جمہوریت ءِ واستہ کتگیں ازمت آنی توسیپ ءِ نہ کتگ بوتگ، جمہوریت ءِ برجا دارگ ءِ واستہ آئی ساڑا ءُ شگر ءُ منت واری نہ بوتگ، آ چار سال پیسر دروگ بندگ ءَ بوتگ اگاں نوں دروگ بندگ ءَ انت۔ بنجاھی وزیر ء گوشت کہ 24 سال ءَ چہ ارد ، کسد ءُ کینگ ، کشاں چیل ءُ ناشرکاری ءِ ھلاپ ءَ جنگ کنگ ءَ انت، نوازشریف ءَ ھمشی یے گوما جنگ ءِ جار جتگ، آئی ءَ گوشت کہ من مرچی ھم وتی بیان ءِ سر ءَ آں مسلم لیگ ن ءُ ش لیگ در کپ ایت ءُ دسمبر، جنوری ءَ روپت ءُ روپ بیت۔ آئی ءَ گوشت کہ مرچی آمید گس کچا کچ انت چیا کہ مرچی ملک قیوم، نسیم حسن شاہ یا تارڈ ادا نہ انت، جونیجو ءِ اسمبلی پروشگ وا جائز انت ءُ وتی اسمبلی ءِ پرشگ ناجائز انت، مریم ءِ ھاترا ءَ ھمے واستہ گٹ آں کہ آ زالبول ات، زالبول بوھگ ءِ درگت ءَ آئی ءَ را ریایت انت، مریم تو انچو بہ گوش کہ تئی ناکو ءِ ضمانت چیا کینسل بوتگ، آئی ءِ پت ہسپتال ءَ چیا نہ شتگ، آ کجام ملازم انت کہ 17 ہزاار کلدار ءِ پگار ءَ 99 ارب کلدار ءِ ٹرانزیکشنز شہباز شریف ءِ اکائونٹ ءَ کتگ ات۔ آئی ءَ گوشت کہ نواز شریف سی پیک منصوبگ ءِ توک ءَ پینگ جنگ ءِ کوشت ءَ انت، آئی ءَ گوشت کہ 20 اکتوبر ءَ چہ سرگودھا ، میانوالی ایکسریس چلائیناں، 12 ٹرین پرائیویٹائز کنگ ءَ پد 34 گیش ٹرین پرائیویٹائز کنگ بیت، آئی ءَ گوشت ایشی ءَ ابید 6 فریٹ ٹرین پرائیویٹ سیکٹر ءَ دیگ بوتگ۔
