لاہور۔3اکتوبر (اے پی پی): بنجاھی وزیر وانگ ءُ زانگ ءُ کزبیکار ءُ ھیل کاری شفقت محمود ءَگوشت کہ مزن وزیر عمران خان ءِ سروکی ءَ ریاست ءِ توامیں بھر یک مشت انت، توامیں کانودی ادارگ یکجائی ءَ مشکل ءُ سکیں ساھت آنی گیوار کنگ ءِکوشزت ءَ کنگ ءَ انت، مرچی ملک ءَ برجائی ءُ وانگ ءُ زانگ ءِ پڑ ءَ گامگیج ءِ بدولت ءَ کامیاتی در جتگ، مئے سیاسی اپوزیشن پارٹی ، آمید گس، ارد ءُ کانودی ادار آناں بھتام بندگ ءَ چہ ملک ءَ را تاوان دیگ ءَ انت۔ کوویڈ 19 ءَ چہ پد وانگ ءُ زانگ ءِشوبگ ءَ ھم ٹوھیں جیڈھ است، آئی ءَ گوشت کہ آیوکیں وھد ءَ وانگ ءُ زانگ ءِ کرد گیش ود ایت، آئی ءَ گوشت کہ وانگ ءُ زانگی ادارگ آنی تہ ءَایکسٹراکالیکیولر ایکٹی ویٹی آنی ھک ءَ آں بلے اے رد ءَ سیاسی مانجنی اوپار کنگ نہ بیت۔ نام ءَ ایکسٹرا کالیکیولر ایکٹی ویٹی ءِ نام ءَ سیاست کنگ بہ بیت اے وڑ نئیلاں۔ آئی ءَ گوشت کہ کوویڈ 19 ءَ چہ وانگ ءُ زانگی شوبگ آنی تہ ءَ ٹوھیں جیڈھ آنی گوما دیم پہ دیمی انت، آیوکیں وھد ءَ گس ءَ نندگ ءُ وانگ ءِ ربیت گیش بیت۔ آئی ءَ گوشت کہ وائس چانسلر ، مات ءُ پت ءُ توامیں اسٹیک ہولڈرز آنی گوما شور ءُ سلاھ ءَ چہ پد نونینز آنی بابت ءَپکوئیں پیسلہ کناں، بنجاھی وزارت ء، واگن ءُ زانگ ھمگونگیں وانگ ءُ زانگ آرگ ءَ انت۔ شمبے ءِ روچ ءَ آ ادا پٹ ءُ پولی اسلامی ، میاں اوستمانی یونیورسٹی ، سسٹین ایبل سوشل ڈویلپمنٹ آرگنائزیشن (ایس ایس ڈی او) ءُ انٹر یونیورسٹی کنسورشیم فار سوشل سائنسز ءِ یکجائی ءَ ناشرکاری ءِ گر ءُ دار ءُ ایمنی ءِ دیمروئی ءِ واستہ “وائس چانسلر کنونشن ” ءِ دیوان ءَ گوں گشتانک دیان ءَ کت۔ ایشی ءِتہ ءَ ہائیر ایجوکیشن پنجاب پروفیسر افضل خالد، میاں اوستمانی اسلامی یونیورسٹی ءِ ریکٹر پروفیسر ڈاکٹر معصوم یاسین زئی، ایس ایس ڈی او ءِ ایگزیکٹو ڈائریکٹر سید کوثر عباس، قائداعظم یونیورسٹی ءِ وائس چانسلر و چیئرمین وائس چانسلر کمیٹی ڈاکٹر محمد علی، ڈائریکٹر جنرل آئی آر آئی، میاں اوستمانی اسلامی یونیورسٹی ڈاکٹر محمد ضیاء الحق، علامہ اقبال اوپن یونیورسٹی ءِ وائس چانسلر پروفیسر ضیائ القیوم ءَابید بنجاھی ءُ صوبگ آنی جتا جتائیں یونیورسٹی آں چہ 100 ءَچہ گیش وائس چانسلرز ،ڈینز، ریکٹرز ءُ فیکلٹی کنونشن شریک اتنت۔
