اسلام آباد۔3اکتوبر (اے پی پی): بنجاھی وزیر اقتصادی کار مخدوم خسروک بختیار ءَ پاکستان ءَ ورلڈ بینک ءِ کنٹری ڈائریکٹر ناجی بنہاسین ءَ وزارت ءِ اقتصادی کار ءَ وتی کارگس ءَگند ءُ نند کت۔ دوئیں پریک آں پاکستان ءَ ڈبلیو بی ءِ پورٹ فولیو ءِ مھکم کنگ ءِ واستہ ھیال ریچی کت۔ بنجاھی وزیر ءَ پاکستان ءَ کورونا ءِ گر ءُ دار، جوانیں ءُ وھد ءُ موہ ءِسر ءَ کاروائی کنگ ءَکمک کنگ ءِواستہ میاں اوستمانی بینک ءِ نیمگ ءَ 200 ملین ڈالر پیکیج پجاری کنگ ءِشگر ءُ منت واری گپت۔ آئی ءَ ملکی کشت ءُ کشار ءُ وردن ءُ وراک ءِ ڈکالی ءَ را کم کنگ ءُ مدگ ءِ ارش ءِ نیگیٹیو آسر آناں کم کنگ ءِ واستہ 200 ملین ڈالر ءِ پجاری ءِ پد ءَ ورلڈ بینک ءِکمک ءَ را ساڑات۔ وزیر ءَ میاں اوستمانی بینک ءُ ایشین ڈویلپمنٹ بینک ءِ شور ءُ مشسر کتگیں معاشی گہتری کار آنی منظوری ءِ ھوالگ ءَ ھم شریکیں مردم آناں سرپد کت کہ دیمروئی منصوبگ آنہ تہ ءَ گہری ءُ آسانی ءَ گوں پد ءُ رند کنگ ءِ واستہ اے سپارش سیت مند سہرا بنت۔
