اسلام آباد۔2اکتوبر (اے پی پی): صدر ءِ مملکت ڈاکٹر عارف علوی ءَ گوشت کہ حکومت وتی کانودی وھد ءُ پاس ءَ سرجم کنت ، نواز شریف ملک ءَ چہ ڈن نندگ ءُ ملکی ادارگ آنی ھلاپ ءَ پندل ساچگ نہ لوٹ ایت، ھرکس ملک ءِ اندر ءَ جنگ ءُ چوپ ءِ دمینگ ءِ کوشت ءَ کنت منی آئی ترندی ءَ گوں ھلاپ باں، اے گپ پکو انت کہ تروی ھرچی بہ بیت، حکومت کرپشن ءِ سر ءَ اچ رنگ ءَ ریایت نہ کنت۔ یک جندی ٹی چینل ءَ را داتگیں گلگدارے ءِ تہ ءَ صدر ءِ مملکت ءَ گوشت کہ کورونا ءِ سبب ءَ پاکستا ن ءَ ھوار سرجمیں دگنیا ءِ معیشت آماچ بوتگ انت۔ پاکستان ءَ بے روزگاری گیش بوتگ۔ ایشی ءَ ابید حکومت ءِ وھد ءُ موہ ءِ سر ءَ انتظامی ءِ سبب ءَ مرچی پاکستان ءَ کورونا ءِ جاور ھال دلبڈی انت۔ اے بابت ءَ حکومت الس ءُ میڈیا ءِ کرد لائک ستا انت۔ ما نا ایوک ءَ کورونا ءِ گوما جوانیں رنگ ءَ گر ءُ چیل بوتگ آں ، بلکینگ ءَ ملکی معیشت ءَ را گر ءُ دار کنگ ءَ ھوار چاگردی کمک ءِ کار رپک آنی وتی کنگ ءَ سک باز کمک رستگ۔ صدر ءِ مملکت ءَ گوشت کہ نواز شریف ملک ءِ ڈن ءَ نشتگ ءُ ترندیں گالریچ کارمرد کنگ ءَ انت، آئی ءِ مول ءُ مراد کئے کمک کنگ انت، آئی ءَ را راجی ادارگ آںی شرپ ءُ ازت کنگی انت، آ بے سر ءُ پادیں بھتام آنی مٹ ءَ وطن واتر آیگ ءُ آمید گس آنی دیم ءَ بوشت ایت، ءُ آ وتی ماڑی آنی بابت ءَ آمید گس ءَ پسو بہ دنت۔ صدر ءِ مملکت ءَ گوشت کہ بھارت پاکستان ءَ را دگنیا ءِ دیم ءَ بدنام کنگ ءِ واستہ اچ موہ دست ءَ یل نہ کنت، نواز شریف ءِ تران ھم دژمن ءِ بن گپ ءَ را مھکم کنگ ءَ کمکار انت۔
