اسلام آباد۔2اکتوبر (اے پی پی):مشیر ھزانگ ڈاکٹر عبدالحفیظ شیخ ءِ سروکی ءَ کابینہ ءِ اقتصادی رابطہ کمیٹی (ای سی سی) ءِ دیوان آدینگ ءِ روچ ءَ ادا کابینہ ڈویژن ءَ برجم دارگ بوت۔ فنانس ڈویژن ءَ چہ جاڑی بوتگیں بیان ءِ رد ءَ ای سی سی ءَ حکومتی تک ءَ روس ءَ چہ یک لکھ 80 ہزار میٹرک ٹن گندم ءِ درآمد کنگ ءِ منظوری دیان ءَ توامیں ٹیکسز ءُ ڈیوٹیز ءِ ھلاسی ءِ پیسلہ کت۔ اے گندم حکومت ءِ تک ءَ درآمد کنگ بنت۔ دیوان ءَ را گوشگ بوت کہ سرکاری شوبگ آنی تہ ءَ گندم ءِ امبار 5 ملین ڈن انت وھدیکہ جندی شوبگ 4 لکھ 30 ہزار میٹرک ٹن گندم درآمد کنگ بوتگ انت ءُ 1.1 ملین ٹن گندم 2020 ءَ تاں درآمد کنگ بوتگ ۔ پبلک سیکٹر ءَ گندم ءِ درآمد ءِ ھوالگ ءَ ٹی سی پی ءَ 3 لکھ 30 ہزار ٹن گندم ءِ درآمد ءِ واستہ ایل سی پچ کتگ وھدیکہ ٹریڈنگ کارپوریشن 1.2 ملین گندم درآمد ءِ واستہ گامگیج کنگ ءَ انت۔ گیشتریں ھال آنی رد ءَ حکومت ءِ حکومت ءِ گوما گندم درآمد کنگ ءِ انتظامی آنی چیر دستی ءَ روس ءَ چہ یک لکھ 80 ہزار ٹن گندم درآمد کنگ بوھگ ءَ انتت۔ ای سی سی ءَ ٹریڈ کارپوریشن آف پاکستان ءِ نیمگ ءَ 3 لکھ میٹرک ٹن شکر درآمد کنگ ءِ پد ءَ سیلز ٹیکس در جنگ معاف کتگ ءُ اے ھوالگ ءَ 20 اگست 2020 ءَ جاڑی کتگیں ایس آر او نمبر 751(1)/2020 ءَ مٹ ءُ بدلی ءِ ھم منظوری دات۔
