اسلام آباد۔2اکتوبر (اے پی پی): وزیر ءِ درئی کار مخدوم شاہ محمود قریشی ءَ گوشت کہ زالبول آناں وت مستر جوڑ کنگ ءِ واستہ وتی کوشت آناں جاڑی داراں ءُ آوانی دلبڈی ءَ مدام کناں۔ جینڈر ھمگونگی ءِ در جنگ ءِ واستہ مزن مزنیں کار اوں گیش پکار انت، اسلامی دگنیا ءِ اولی زالبولیں مزن وزیر بے نظیر بھٹو ءِ دیمروئی کنوکیں ملک آنی زالبول آناں یک مشت کت۔ گوستگیں روچ ءَ زالبول آنی ھوالگ ءَ چارمی میاں اوستمانی کانفرنس ءِ بیست ءُ پنچمی مزن تکی دیوان ورچوئل ءَ گوں گشتانک دیان ءَ وزیر ءِ درئی کار ءَ گوشت کہ گوستگیں کرن ءَ زالبول آنی جنز ءَ را سک باز کامیاتی رستگ۔ اے رد ءَ بازیں ارزشتیں کانود ءُ کار رپک منظور ءُ سہرا کنت بوتگ۔ جینڈر ھمگونگی ءِ در جنگ ءِ واستہ مزن منزنیں کار انوں گیش پکار انت۔ زالبول آنی چاگردی، معاشی ءُ سیاسی پڑ ءَ ارزشتی ایں کرد پیلو کنگ ءَ انوگ ءَ تاں پینگ است انت۔ پاکستان ءَ زالبول آناں وت مستر جوڑ کنگ ءِ لیکہ مارا مئے دین ءَ چہ رسیت، دود ءُ ربیدگی شرپ، مئے جوڑیشتکار آنی در گیندی ءُ کانود ءِ مسل آنی تہ ءَ رسیت۔ آئی ءَ گوشت کہ پاکستان یونائیٹڈ نیشن ءِ بنگیج ءَ چہ زالبول آنی ھک آنی واستہ کار کنان ءُ پیداک انت۔ بنی آدمی ھک آنی واستہ مئے نیشنل ایکشن پلان ءَ ” زالبول آنی رکھینگ” ھوار انت۔ ایش ایشی یے اولی ترجی آنی تہ ءَ ھوار انت۔ زالبول آنی رکھینگ ءِ بنجاھ ءُ بیست ءُ چار کلاک ءَ آسراتی دیوکیں ہیلپ لائن (1099) وڑیں گامگیج کنگ بوتگ تانکہ مپت ءَ کانودی شور ءُ مشور آنی پیلو کنگ ءُ ھوالگی وڑیں رپک آنی تہ ءَ آونی کمک بہ بیت۔ سروکی ءِ تک ءَ زالبول آنی وڑیں ھواری ءِ کساس پاکستان ءَ یک شل ءَ گیش بوتگ۔ استیں وھد ءَ زالبولیں مزن وزیر ، گورنر اسٹیٹ بنک، سپیکر راجی اسمبلی ءَ ابیدر وزیر، سفیر، جج ءُ مزن تکی سول سرونٹس آنی سیٹ ءَ بوتگ انت۔ مئے زالبول جنگی جہاز چلائینوک بوتگ انت، یونائیٹڈ نیشن ءِ ایمنیں ٹروپ آنی تہ ءَ ڈیوٹی ھم دیگ ءَ انت، انوں یک زالبول ءِ فوج ءِ تہ ءَ سئے استال بستار ءَ وتی فرض آں پیلو کنگ ءَ انت۔ ما زالبول آناں وت مستر جوڑ کنگ ءِ واستہ وتی کوشست آں جاڑی داراں ءُ ایشانی دلبڈی ءَ کناں تانکہ ایشانی دیمروئی ءُ وت مستری ءِ کشک ءَ استیں پینگ آناں دور ءُ دیمروئی ءِ منزل ٹوھ تریں کوھنڈگ آں سر بہ بنت۔
