اسلام آباد۔2اکتوبر (اے پی پی):صدر مملکت ڈاکٹر عارف علوی ءَ گوشت کہ پاکستان ءَ بریسٹ کینسر ءَ ھوار توامیں نادراھی آنی بابت ئَ مھکمیں راجی ڈیٹا بیس تیار کنگ ءِ ضلورت انت۔ آ دینگ ءِ روچ ءَ ادا بریسٹ کینسر ءِ ھوالگ ءَ دیوان ءِ سروکی ءَ کنگ ءَ ات۔ دیوان ءَ ھاسیں کمکار برائے چاگردی رکھینگ ڈاکٹر ثانیہ نشتر، ھاسیں کمکار جان سلامتی ڈاکٹر فیصل سلطان ءُ ایم ڈی بیت المال عون عباس بپی ءَ بھر زوری کت۔ اے موہ ءِ سر ءَ صدر ء، مملکت ءَ گوشت کہ پاکستان ءَ جتا جتائیں نادراھی آنی ھوالگ ءَ بنجاھی ڈیٹا بیس ءِ کمی انت، ھمے ھاترا بریسٹ کینسر ءَ ھوار تامیں نادراھی آنی سر ءَ مھکمیں راجی ڈیٹا بیس تیار کنگ ءِ ضلورت انت۔ آئی ءَ گوشت کہ پاکستان ءَ سینگ ءِ کینسر ءِ نادراھی دومی زرباری ایشائی ملک آنی رنگ ءَ کمتر انت۔ ھمے ھاترا الس ءِ اندر ءَ زانت ءُ سرپد پیداک کنگ ءِ ضلورت انت۔ صدر ءِ مملکت ءَ گوشت کہ ڈیٹا بیس ءِ تیاری ءَ چہ جتا جتائیں نادراھی ءِ پجاروکی ءَ کمک رسیت۔
