اسلام آباد۔ 02 اکتوبر (اے پی پی) سلاہکار واپار عبدالرزاق داؤد پارینے کہ الحمداللہ ستمبر 2020ء ٹی برآمد آتیٹی گچینی بسنے، ستمبر 2019 نا مقابلہ ٹی ننا برآمد آتا 6 درسد ودکی اتون کم و ود 1.9 ارب ڈالر مس۔ جمعہ نادے آ تینا ٹویٹ اٹی اوپارے کہ ستمبر 2019ء نا مقابلہ ٹی ننا برآمدات 6 درسد ودکی اتون کم و ود 1.9 ارب ڈالر مسر۔ اگست اٹی 15 درسد کمتی نا نسبت دا تُو بھاز گچینی نظر بسنے۔ کنا خیال اٹ داسکان آرڈر نا بھلو بیک لاگ اس ساڑی ءِ۔ و داٹی نن پین گچینی اتنگ کینہ۔ اوپارے کہ کنا برآمد کنندگان آتیان خواست ءِ کہ او ساڑی آ آرڈرآتے پورو کننگ تون اوار اوار ساڑی آ منڈی تیان پین آرڈر ہلیر و پوسکن آ منڈی تسکان ہم رسینگ ءِ ممکن کیر۔ سلاہکار واپار پارے کہ کنے اومیت ءِ اکتوبر اٹ برآمد آتیٹی پین ودکی مریک۔
