اسلام آباد۔ 01 اکتوبر (اے پی پی) وزیراعظم پگہ جمعہ نادے آ پاکستان نیشنل نیوٹریشن کوآرڈینیشن کونسل (پی این این سی سی) نا دیوان نا کماشی ءِ کیک۔ پاکستان نا تاریخ اٹ اولیکو وار نیوٹریشن نا بابت ایجنڈا ءِ مون آ دننگ کن احساس فریم ورک نا ارداٹ بین الاوزارتی ادارہ ٹہیفنگانے۔ چناتیٹی اسٹنٹنگ نا توننگ اولیکو دے آن حکومت نا ایجنڈاٹی اوار مسنے۔ وزیراعظم قوم آن تینا اولیکو تران اٹی اسٹنٹنگ آن زہمی اسہ چناسے نا ایم آر آئی ءِ نشان ترسا دا ویل ءِ ایسر کننگ کن عزم انا درشانی ءِ کریسس۔ہندا چرجوئی ٹی پاکستان نیشنل نیوٹریشن کوآرڈینیشن کونسل (پی این این سی سیس) نا ادارہ ءِ جوڑ کرینے۔ وزیراعظم دا بین الوزارتی کونسل نا چیئرپرسن ءِ۔ کونسل باسک آتیٹی کابینہ نا 8 وزیر اوار ءُ۔ کونسل نا باسک آتیٹی ڈاکٹر ثانیہ نشتر، سید فخر امام، اسد عمر، ڈاکٹر فہمیدہ مرزا، شفقت محمود، عبدالرزاق داؤد، عبدالحفیظ شیخ، ملک امین اسلم خان، ڈاکٹر فیصل سلطان اوار ءُ۔ ہرچار آ صوبہ،گلگت بلتستان و جموں و کشمیر نا چیف سیکرٹریز، بنجائی سیکرٹریز و یونیسیف و سن نا چاہندار آک ہم دانا باسک ءُ۔ نیوٹریشن و داڑتون گنڈوک بشخ آتے سوگو کننگ کن پی این این سی سی بنجائی کہول آ ملک انا اسہ بڑزکو ادارہ اسے۔

متعلقہ مضامینمصنف کی طرف سے مزید