اسلام آباد۔1اکتوبر (اے پی پی):صدر مملکت ڈاکٹر عارف علوی ءَ بینکنگ شوبگ ءِ زور پر دات کہ سبزکرائبرز آناں آسراتی پجاری کنگ، ایشانی جیڈھ ءُ شکاست آنی گیواری ءِ واستہ گیش جونیں گامگیج کنگ بہ بیت، اے جیڈھ ءُ شکاست آنی گیواری ءِ واستہ گیش جوانیں گامگیج کنگ بہ بیت۔ بینکنگ محتسب سبزکرائبر آناں مپت ءَ ءُ زوتیں شکاست آنی گیواری ءِ آسراتی پجاری کنگ ءَ انت۔ بینکنگ محتسب ءِ کار ءُ کار کرد ءِ ھوالگ ءَ سرپدی پیداک کنگ ءِ ضلورت انت۔ بینکاری نظام ءِ سبزکرائبر ءِ دل یکیمی ءُ ڈیجیٹل بینکنگ ءِ معیشت ءَ را مسل آناں کمک رسیت۔ اے ھیالانی درشانی آئی ءَ پنچ شمبے ءَ بینکنگ محتسب ءِ چیر دستی ءَ یک سیمینار بینکنگ محتسب جیڈھ آنی گیواری نیم البدلیں فورم ءَ گوں گشتانک دیان ءَ کت۔ صدر مملکت ڈاسکٹر عارف علوی ءَ گوشت کہ کورونا انوگ ءَ تاں ھلاس نہ بوتگ، ایوک ءَ ادارُکی رنگ ءَ کامیاتی رسیت۔ راج ءَ را کورونا ءَ چہ رکھگ ءِ واستہ رکھینگی رھبند آنی وڑ ءَ کنگ لوٹ ایت۔ آئی ءَ گوشت کہ بنجاھی محتسب، ٹیکس محتسب، انشورنس محتسب، اراسمنٹ ءُ بینکنگ محتسب گہتریں رنگ ءَ کار کنگ ءَ انت۔ محتسب ءِ ادارگ مپت ءَ ءُ زوتیں رنگ ءَ انصاف پجاری کنگ ءَ جوانیں وسیلگ ات۔ آئی ءَ گوشت کہ ما ھمک روچ ءِ بنیات ءَ وتی زمہ واری آں پیلو کناں۔ مردم آناں زوتاں زوت انصاف پجاری کنگ مئے زمہ واری انت ایشی ءَ چہ ایشرا سرجم کنگ مئے زمہ واری انت ایشی ءِ واستہ ھمک رنگیں گامگیج کنگ ءَ آں۔ صدر ءِ مملکت ءَ گوشت کہ بینک ءَ سبزکرائبر ءِ جم کتگیں زر آئی مانت بنت۔ ڈاکٹر عارف علوی ءَ گوشت کہ سبزکرائبر وتی ازمت ءِ کٹ ءَ چہ کمائینتگیں زر ءُ کٹ ءَ بینک آں جم کناں، اے چاگرد ءِ تہ ءَ جتا جتائیں رنگ ءَ گردش کن انت۔ آئی ءَ گوشت کہ بینکنگ محتسب ارزشتیں ادارگ ات ایشی یے ارزشت ءَ یک ءَ گیشی بوھگ ءَ انت۔ آئی ءَ گوشت کہ پاکستان ترندی ءَ گوں ٹیکنالوجی ءَ وتی کنگ ءَ انت، آئی ءَ گوشت کہ احساس پروگرام ءِ وسیلگ ءَ بزگریں زالبول آنی بینک اکائنٹ پچ کنگ بوھگ ءَ انت، ایشی ءِ وسیلگ ءَ ایشاناں زر دیگ بیت۔ آئی ءَ گوشت کہ بینکنگ سبزکرائبر آناں جتا جتائیں جیڈھ آنی گوما دیم پہ دیمی انت۔ بینکنگ سبزکرائبر آنی جیڈھ آنی گیواری ءِ واستہ نظام ءِ ضلورت انت۔ آئی ءَ گوشت کہ بینک آناں بزگر ءُ کودکیں مردم ءُ زالبول آناں مزوری ءِ موہ پجاری کنگ بیت۔ اے موہ ءِ سر ءَ ھیالانی درشانی کنان ءَ بینکنگ محتسب محمد کامران شہزاد ءَ گوشت کہ بینکنگ محتسب بینک سبزکرائبر ءَ را مپت ءَ ازمت پجاری کنگ ءَ انت، اے شکاست آناں زوت گیواری کنگ بیت۔ بینکنگ محتسب ءَ را وتی جوڑیشت ءَ چہ انوگ ءَ تاں بینک سبزکرائبر ءِ نیمگ ءَ 80 ہزار شکاست رستگ انت ایشاناں گیواری کنگ بوتگ۔ کورونا ھوپ ءَ گوستگیں 6 ماہ ءِ ساھت ءَ 11 ہزار ءَ چہ گیش شکاست رستگ انت ایش الس آنی دل یکیمی ءِ درشان انت۔
