اسلام آباد۔1اکتوبر (اے پی پی): مزن وزیر عمران خان ءِ میاں اوستمانی فورمز آنی مشہوری جاڑی انت، آئی ءِ یونائیٹڈ نیشن ءِ جنرل اسمبلی ورچوئل دیوان ءِ استیں گشتانک یونائیٹڈ نیشن ءِ آفیشنل یوٹیوب چینل ءِ سر ءَ درستاں چہ گیش چارتگیں گشتانک انت۔ پنچ شمبے ءِ روچ ءَ جندی ٹی وی چینل ءِ رپورٹ ءِ رد ءَ مزن وزیر عمران خان ءِ 25 ستمبر ءَ یونائیٹڈ نیشنل ءِ جنرل اسمبلی ورچوئل دیوان ءَ کتگیں گشتانک یونائیٹڈ نیشن ءِ آفیشل یوٹیوب چینل ءَ درستاں چہ گیش چارگ بوتگ۔ سرجمیں ھال آںی رد ءَ انوگ ءَ تاں 1 لکھ 69 ہزار ءَ چہ گیش رند ءَ مزن وزیر عمران خان ءِ یونائیٹڈ نیشن ءِ جنرل اسمبلی ءَ کتگیں گشتانک چارگ بوتگ ایش کجاھم انٹرنیشنل لیڈر شپ ویورشپ ءِ درستاں چہ گیشتریں کساس انت۔ امریکہ ءِ صدر ڈونلڈ ٹرمپ دومی نمبر ءِ سر ءَ انت، آئی یے چاروک 1 لکھ 37 ہزار بوتگ انت وھدیکہ انڈونیشین صدر ءِ گشتانک ءَ را 94 ہزار رند ءَ چارگ بوتگ۔ ھمے رنگگ ءَ ایران ءِ صدر حسن روحانی ءِ گشتانک ءَ را 67 ہزار، بھارتی مزن وزیر نریندر مودی ءِ گشتانک ءَ را 62 ہزار روسی صدر ویلادیمیر پیوٹن ءِ گشتانک ءَ را 59 ہزار، چینی صدر 44 ہزار وھدیکہ اوگان صدر اشرف غنی ءِ گشتانک ءَ را 8 ہزار رند ءَ چارگ بوتگ۔ ادا اے گپ ءِ گوشگ المی انت کہ گوستگیں سال ءِ مزن وزیر عمران خان ءِ یونائیٹڈ نیشن ءِ جنرل اسمبلی ءَ کتگیں گشتانک 26 لکھ مردم آں چارتگ بوتگ۔
