اسلام آباد۔یکم اکتوبر (اے پی پی): وزیر ءِ درئی کاری مخدوم شاہ محمد قریشی ءَ گوشت کہ جوانیں درئی پالیشی ءِ واستہ ملکی معیشت ءِ برجائی المی انت، ملکی معیشت ءَ را مھکم جوڑ کنگ ءِ واستہ ایندگر ملک آنی گوما تجارت ءُ برآمدی کار آناں گیش ودینگ لوٹ ایت۔ آ پنچ شمبے ءِ روچ ءَ درئی کارانی وزات ءَ برجم داشتگیں معاشی سفارت کاری ءِ ھوالگ ءَ مزن تکی دیوان ءِ سروکی ءَ کنان ءَ کت۔ دیوان ءَ جتا جتائیں ملک آنی تہ ءَ استیں سی 30 پاکستانی سفارتخانہ آنی سفیر آنی ویڈیو لنک ءِ وسیلگ ءَ بھر زوری کت۔ دیوان ءَ شریکیں ھمک مشن ءَ معاشی سفارت کاری ءِ ھوالگ ءَ گیشینتگیں سیم سر آنی در جنگ ءِ واستہ کتگیں گامگیج آنی واستہ کوشست آنی ھوالگ ءَ وزیر ءِ درئی کار ءَ را سرجمیں بریفنگ دات۔ وزیر ءِ درئی کار ءَ گوشت کہ گہتریں درئی پالیشی ءِ واستہ ملکی معیشت ءَ را برجائی المی انت۔ مارا وتی معیشت ءَ را مھکم جوڑ کنگ ءِ واستہ ایندگر ملک آںی گوما وتی تجارت ءُ ایکسپورٹ ءِ کساس ءَ را گیش ودینگ لوٹ ایت۔ شاہ محمود قریشی ءَ گوشت کہ ما مزن وزیر عمران خان ءِ وژن ءَ را پکوئیں رنگ دیگ ءُ میاں اوستمانی تک ءَ پاکستان ءِ معاشی ءُ تجارتی یکوئی آناں دیمروئی دیگ ءِ واستہ م “معاشی سفارت کاری” ءِ پکوئیں رنگ ءَ بندات کتگ۔ آئی ءَ گوشت کہ پاکستان ءُ افریقہ ءِ نیام ءَ معاشی ءُ تجارتی یکوئی آناں دیمروئی ءِ واستہ ما گوستیں سال، وزارت تجارت ءِ گوما یکجائی ءَ ، وزارت ءِ درئی کار ءَ “انگیج افریقہ” کانفرنس ءِ بنگیج کتگ۔ اے رد ءَ دیم ءَ جنزان ءَ ما وزات ءِ تجارت ءِ کمک ءَ گوں 30 ءُ 31 جنوری 2020 ءَ نیروبی ءَ “اولی پاک افریقہ ٹریڈ ڈویلمنٹ کانفرنس” جوانی ءَ گوں بست ءُ بند کتگ۔ وزیر ءِدرئی کار ءَ گوشت کہ کنیکسٹ ایف ایم پروگرام ءِ چیر دستی ءَ پرائیویٹ سیکٹر ءَ گوں بندوکیں ملک لائن ءِ اول سر ءَ اوشتاتگ انت، ایشی ءِ توک ءَ کاروباری بامردم آناں وزارت ءِ درئی کار ءَ دلگوش کتگ ءُ ایشانی گوما معاشی سفارتکاری ءِ ھوالگ ءَ سرجمیں ھیال ریچی کت ءُ ایشانی نیمگ ءَ دیم ءَ آیوکیں شور ءُ مشور آناں وتی سفارت کار آناں تاں سر کتگ۔ وزیر ءِ درئی کار ءَ معاشی سفارت کاری ءِ ھوالگ ءَ منوگر کتگیں سیم سر آنی در جنگ ءِ واستہ سفیر آنی نیمگ ءَ کتگیں کوشست آنی پد ءَ دل یکیمی ءِ درشان کت۔
