اسلام آباد۔ 01 اکتوبر (اے پی پی) وائس ایڈمرل محمد امجد خان نیازی پاک بحریہ ءِ پوسکن آ سروک پن کننگا، بدلی کمانڈ نا دود 7 اکتوبر 2020ء آ اسلام آباد اٹ اڈ ہلیک۔ ترجمان پاک بحریہ نا رداٹ وائس ایڈمرل محمد امجد خان نیازی ءِ 7 اکتوبر 2020ء آ ایڈمرل نا عہدہ غا ترقی تننگک۔ وائس ایڈمرل محمد امجد خان نیازی 1985 ٹی پاک بحریہ نا آپریشنز برانچ اٹ کمیشن دوئی کرے۔ اوکمیشننگ نا وخت آ پاکستان نیول اکیڈمی آن اعزازی شمشیر اس دوئی کرے۔ چندی کمانڈ و اسٹاف عہدہ غاتیا کاریم کننگ نا بھلو آزموندہ اس تخک۔ وائس ایڈمرل محمد امجد خان نیازی کمانڈنگ پاکستان نیوی وار کالج لاہور، کمانڈر پاکستان فلیٹ و کمانڈر کراچی نا فرض ءِ سرتسنے۔ او چیف آف دی نیول اسٹاف نا پرنسپل، ڈپٹی چیف آف نیول اسٹاف(ٹریننگ اینڈ ایوالیوایشن) وڈائریکٹر جنرل نیول انٹیلیجنس نا عہدہ غاتیا رہینگانے۔ وائس ایڈمرل محمد امجد خان نیازی داوخت آ چیف آف اسٹاف (آپریشنز) نا فرض ءِ سرتننگ ءِ۔ اودے پیشہ ورانہ خذمت و نرزوری نا امنائی ٹی ہلال امتیاز(ملٹری) و ستارہ بسالت آن وخت اس کہ حکومت فرانس نا کنڈآن شیویلے(ناٹ) میڈل ہم تننگانے۔
