اسلام آباد۔ 01 اکتوبر (اے پی پی) وزیراعظم نا خصوصی کمکار امور نوجوانان عثمان ڈار پارینے کہ ورناتے ریڑھی و ٹھیلا تننگ نا جاگہ غا ڈیزین کرفوک خصوصی وہیکل فراوان کننگک، گاڈی تا ہلنگ کن وام بنجائی حکومت ایتک، ورناک چنکو ولے باعزت روزگار اس دوئی کننگ کیرہ۔ داخیال آتا درشانی ءِ او تینا کماشی ٹی لاہور اٹی دیوان آن تران کرسا کرے۔ دیوان اٹی چیف سیکرٹری پنجاب و بڑزکو عہدیدار آک بشخ ہلکر۔ خصوصی کمکار پارے کہ ڈٹ انا رداٹ کم خوانوک ورناتے جند انا کاروبار نا موقع تننگک۔ ورناتے ریڑھی و ٹھیلہ غاتا جاگہ غاتا ڈیزین کرفوک خصوصی وہیکل فراوان کننگک۔ اوپارے کہ گاڈی نا ہلنگ کن وام بنجائی حکومت ایتک۔ ورناچنکو ولے باعزت روزگار اس دوئی کننگ کیرہ۔ عثمان ڈار پارے کہ ڈٹ انا دنگ ءِ مرحلہ وار مچ آ ملک اٹ تالان کننگک۔ یوتھ افیئر ڈویژن آن جاری بیان نا رداٹ ورناتے کاروبار و روزگار نا فراوانی کن حکومتی گام گیج آک برجاءُ۔ بنجائی حکومت نا مچ آ ملک اٹی ’’شاپ آن وہیل‘‘ ڈٹ بناکننگ نا تیاری مسنے۔ چنکا کاروبار نا ڈٹ سرسہب ورنا پروگرام نا بینرنا کیرغ آن بناکیک۔ بنائی وڑاٹ پنجاب آن شاپ آن وہیل ڈٹ انا رجسٹریشن نا بناءِ کننگ نا منظوری ءِ تننگانے۔
