اسلام آباد۔ 01 اکتوبر (اے پی پی) پاکستان اٹ رہینگوک رجسٹرڈ اوغان باہوٹ آتا وطن آ پدی ہِننگ برجاءِ داتم اسکان 556 بندغ پدی اوغانستان آ سرمسنو، وطن آ پدی ہنوک آ رجسٹرڈ اوغان باہوٹ آتے 2 سد ڈالر فی کس تننگ انگ ءِ۔ پنچ شنبے نادے آ یواین ایچ سی آر نا ترجمان قیصر خان اے پی پی تون گپ وتران کرسا اوپارے کہ داتم اسکان 137 خاہوت آتون اوار 556 رجسٹرڈ اوغان باہوٹ پدی اوغانستان آ سرمسنو۔ اوپارے کہ وطن آ پدی ہنوک آ باہوٹ آتے پناہ گزین تا جہانی ادارہ یو این ایچ سی آر نا کنڈآن 2 سد ڈالر فی کس تننگ انگ ءِ۔ قیصر خان وطن آ پدی ہنوک آ اوغان باہوٹ آتیان خواست کرینے کہ او وطن آ پدی ہِننگ نا تخوک آ تاریخ آن اسہ دے اس مست یو این ایچ سی آر نا مقررہ ہند آتیان تینا وطن آ پدی ہِننگ ءِ کنفرم کرفر۔
