اسلام آباد ۔ 30 ستمبر (اے پی پی) مزن وزیر عمران خان ءَ گوشت کہ پاکستان ءِ سالمیت ءُ وت مستری ءَ را دل یکیمی جوڑ کنگ ءِ رد ءَ جوانیں ازمکار ءَ را گیش مھکم جوڑ کنگ ءِ واستہ توامیں آسراتی آناں کار مردم کنگ بنت، پاکستان ءِ ایٹامک ءِ وتاس کمانڈ اینڈ کنٹرول سسٹم ءِ چیر دستی ءَ سرجمیں رنگ ءَ مھکم انت۔ اے ھیالانی درشانی آئی ءَ چار شمبے ءِ روچ ءَ سپارکو ءَ سیٹلائٹ گرائونڈ سٹیشن ءِ تر ءُ تاب ءِ موہ ءَ کت۔ مزن وزیر ءَ سپیس ، سائنس ءُ ٹیکنالوجی ءِ شوبگ ءَ ھندی کار رپک ءِ دیمروئی ءَ سپارکو ءَ را کامیاتی ءِ گوما راجی سلامتی ءَ را مھکم جوڑ کنگ ءُ چاگردی اقتصادی دیمروئی ءِ واستہ سپارکو ءِ ازمت آنی بابت ءَ ھم بریفنگ دیگ بوت۔ مزن وزیر ءَ سپارکو ءِ تر ءُ تاب ءَ جتا جتائیں بھر آنی چار ءُ تپاس ءِ ساھت ءَ انجیئرز ءُ سائنسدان آں گوں تران کنان ءَ کت کہ پاکستان ءِ ایٹامک وتاس کمانڈ اینڈ کنٹرول سسٹم ءِ چیر دستی ءَ سرجمیں رنگ ءَ مھکم انت۔ آئی ءَ گوشت کہ ما وتی ارزشتی ایں راجی سیت آںی رکھینگ ءِ واستی ازم آناں گیش مھکم کناں۔ مزن وزیر ءَ سپیس ٹیکنالوجی ءِ ارزشت ءِ ھوالگ ءَ زور پر دات ءُ اے ھوالگ ءَ ازمت ءُ انفراسٹرکچر ءَ پراھ ءُ شاھیگانی ءِ واستہ ضلوری ایں کمک پجاری کنگ ءَ دل یکیمی کنائینت تانکہ نیشنل سپیس پروگرام 2047 برائے چاگردی اقتصادی دیمروئی ءَ را گیشی دیگ بوت کنت۔
