اقوام متحدہ ۔ 30 ستمبر (اے پی پی) مزن وزیر پاکستان عمران خان ءَ گوشت کہ پاکستان ءِ حکومت زندہ جان آنی رکھینگ ءِ واستہ گامگیج کنگ ءَ انت، دلوت ءُ درچک ءُ دار آنی رکھینگ ءِ واستہ ھندی آباتی ءِ کمک گون انت، پاکستان موسمی مٹ ءُ بدلی ءَ چہ آماچ بوھوکیں 10 ملک آنی لڑ ھوار انت ھمے ھاترا حکومت ءَ بلین ٹری سونامی پروجیکٹ ءِ بنگیج کنگ بوتگ، ھندی مردم آناں روزگار ءِ موہ پجاری کنان ءَ جنگل آنی رکھینگ دل یکیمی کنگ بوھگ ءَ انت، وتی سیم سر آنی سر کنگ ءِ واستہ درچک ءُ پُل آنی ڈگارک جوڑ کنگ بوھگ ءَ انت۔ چار شمبے ءِ روچ ءَ یونائیٹڈ نیشن ساھ دار آنی رکھینگ ءِ ھوالگ ءَ مھکمیں دیمروئی ءِ سیم سر در جنگ ءِ ھوالگ ءَ باےئیو ڈائیورسٹی لیڈر ورچوئل سمٹ ءَ گوں گشگتانک دیان ءَ مزن وززیر پاکستان عمران خان ءَ بائیو ڈائیورسٹی لیڈر سمٹ ءِ بندوبست کنگ ءِ پد ءَ یونائیٹڈ نیشن ءَ گوں دل یکیمی ءِ درشان کت۔ آئی ءَ گوشت کہ پاکستان ھما نیک بھتیں ملک آنی تہ ءَ ھوار انت ھما گوریچان ءَ چہ زربار ءُ رودراتک ءَ چہ روبرکت ءَ انت۔ پاکستان ءَ دوازدہ موسمی زونز است انت، ھمے ھاترا مئے کرا جھلگ ءُ برزی است انت، پاکستنان ءِ گوریچان ءَ برزیں کوہ آنی رچ است انت وھدیکہ دگنیا ءِ دومی برزتریں کوھ ھمدا انت، ایشی ءَ ابید ادا 2 ہزار کلومیٹر ءِ تیاب دپ است انت، مئے کرا لپائن کلائمٹ زون ءُ گرمیں پڑ ھم است انت۔ منز وزیر عمران خان ءَ گوشت کہ منی حکوم بائیو ڈائیورسٹی ءِ رکھینگ ءِ واستہ گامگیج کنگ ءَ انت، دلوت ءُ درچک ءُ دار آنی رکھینگ ءِ واستہ ھندی آباتی ءِ کمک گون انت۔ آئی ءَ گوشت کہ پاکستان موسمی مٹ ءُ بدلی ءَ چہ آماچیں ملک آنی تہ ءَ ھوار انت، پاکستان موسمی مٹ ءُ بدلی ملک آنی لڑ ءَ درستاں چ گیش آماچ بوھوکیں 10 ملک آنی تہ ءَ ھوار انت۔ مزن وزیر پاکستان ءَ گوشت کہ اے چیلنج ءَ چہ در کپگ ءِ واستہ 10 ارب درچک کشگ ءِ منصوبگ بندات کنگ بوتگ۔ آئی ءَ گوشت کہ ٹین بلین سونامی منصوبگ ءِ واستہ ھندی آباتی ءِ کمک گون انت، ھندی مردم آناں روزگار ءِ موہ پجاری کناں ءَ جنگل ءِ رکھینگ دل یکیمی جوڑ کنگ بوھگ ءَ انت بلکینگ ءَ ایشی ءِ گوما وتی سیم سر آناں پورا کنگ ءِ واستہ درچکُک ءُ پُل آنی ڈگار جوڑ کنگ بوھگ ءَ انت۔ مزن وزیر عمران خان ءَ گوشت کہ ما ملک ءَ راجی پارک آنی کساس 30 ءَ چہ گیش کنان ءَ 39 کنگ بوتگ، دو سالی دور حکومت ءَ 9 راجی پارکس آنی گیشی کنگ بوتگ۔ آئی ءَ گوشت کہ ما ابرم ءِ رکھینگ ءِ واستہ سروک آنی گیشاں چہ گیش کمک ءُ ھمبراھ داری کنگ ءَ آں۔
