اسلام آباد۔ 30 ستمبر (اے پی پی) چیئرمین سینیٹ محمد صادق سنجرانی اسلام آباد اٹی کویت نا سفارتخانہ غا ہنا، ہراڑے او امیر کویت شیخ صباح الاحمد الصباح نا کزیت آ ہڑزخواہی کتاب اٹی تینا تاثر آتے نوشتہ کرے۔ سینیٹ سیکرٹریٹ نا رداٹ چیئرمین سینیٹ داوخت آ کویت نا سفیر تون گپ وتران کرسا پارے کہ امیر کویت شون پسند سوچ تخوک عظیم ءُ راہشون اس ئس۔ امیر کویت نا کماشی ٹی کویت اقتصادی و زرگزرانی شونداری نا اسہ پوسکن ءُ دور اس خنانے۔ اوپارے کہ امیر کویت نا کزیت آن پاکستان اسہ عظیم و مخلص ءُ دوست اسے آن محروم مس۔ امیر کویت نا بین المذاہب ہم آہنگی و امن کن خذمت آک ناقابل فراموش ءُ۔ پاکستانی قوم کویت نا حکومت، الس وسرکڑدہ غاتون ڈکھ انا داساہت اٹ بریبر نا شریک ءُ۔ صادق سنجرانی زرس وخت کویت نا سفارتخانہ ٹی گدریفے و امیر کویت نا کزیت آ سفیر ناصر عبدالرحمان المطیری و سفارتخانہ نا سینءر آفیسر آتون ہڑزخواہی و فاتحہ خوانی کرے۔ سجادحسین طوری، نصیب اللہ بازئی، اشوک کمار، اورنگزیب اورکزئی، محمد یوسف بادینی، ایوب آفریدی، ذیشان خانزادہ و چیئرمین سینیٹ نا سلاہکار عابد لی ئسک ہم اوار ئسر۔
