اسلام آباد ۔ 30 ستمبر (اے پی پی) مزن وزیر عمران خان ءَ گوشت کہ ملک ءِ روشنائیں آیوکیں باندات ڈیجیٹل پاکستان ءَ گوں بندوک انت، آئی ٹی ءِ شوبگ ءَ ورنا آناں موہ دیان ءَ ایشانی ازم ءَ چہ سیت چست کنگ بیت کنت ءُ برآمدی پڑ ءَ گیش ودینگ بوت کنت، پشت کپتگیں دمگ آںی دیمروئی ءَ حکومتی ترجی آنی تہ ءَ ھوار انت۔ اے ھیالانی درشانی آئی ءَ چار شمبے ءِ روچ ءَ یونیورسل فنڈ ءِ نیمگ ءَ کنٹریکٹ ایوارڈ ءِ مراگش ءَ گوں گشتانک دیان ءَ کت۔ اے کنٹریکٹ ءَ چہ ہائی سپیڈ براڈ بینڈ سروسز ءَ چہ بلوچستان ءُ سندھ ءِ پشت کپتگیں دمگ آنی تہ ءَ ریکٹ ءَ چہ ہائی سپیڈ براڈ بینڈ سروسز ءَ چہ بلوچستان ءُ سندھ ءِ پشت کپتگیں دمگ آںاں آسراتی چست کت کناں۔ مزن وزیر ءَ گوشت کہ یو ایس ایف یو فون ءُ جاز ءِ نیام ءَ منوگری سک باز وشیں گپ ات۔ آئی ءَ گوشت کہ مئے حکومت پشت کپگیں تبک ءِ مرد ءُ دمگ آںی دیمروئیءِ واستہ گامگیج کنگ ءَ انت، اے منوگری ءَ سندھ ءِ گھوٹکی ءُ سکھر وڑیں ءُ بلوچستان ءِ پشت کپتگیں دمگ آھوادا سک باز گریبی ءُ پراھ ءُ شاھیگانیں سرڈگار ات، سیت چست کناں، اے دمگ آناں گوستگی وھد ءَ ڈلگچار کنگ بوتگ، بلوچستان ءَ سوئی ءِ دمگ آھوادا سرجمیں پاکستان ءَ را گیس سپلائی کنگ بیت، وتی دیمروئی ءِ تاچ ءَ پشت ءَ کپتگ انت، بازیں دمگ وھد ءِ دیمروئی ءِ تاچ ءَ پشت کپ انت گڈا ھرابیں رند پد سرجمیں چاگرد ءَ را آماچ کن انت۔ دگنیا ءَ ملک آںی نیام ءَ وھد ءِ ماڑی ءُ گریب آنی تہ ءَ پرک سک باز بہ بیت گڈا ایشی ءَ چہ ھرابیں رند پد دیم ءَ سہرا بیت۔ پاکستان ءَ یک کستان ءَ یک کسانیں تبکے ءِ واستہ آسراتی دیگ بوتگ، ایشانی واستہ انگلش میڈیم سکول جوڑ کنگ بوتگ وھدیکہ اردو میڈیم ءُ مدرسہ آنی زھ آناں ڈلگچار کنگ بوتگ، انگلش میڈیم سکول آنی دکان پچ بوھان بوتگ وھدیکہ چاگرد ءِ گیشتریں مردم کہ گریب انت ڈلگچار کنگ بوتگ۔
