اسلام آباد ۔ 30 ستمبر (اے پی پی) صدر مملکت ڈاکٹر عارف علوی ءَ گوشت کہ اوگان جیڈھ ءِ اُردی گیواری نیست ءُ سیاسی سول ءُ تران ءَ چہ دیم ءَ جنزگ ءِ کشک است انت، اوگان سروکی ءَ را اے جیڈھ ءِ سیاسی گیواری ءِ واستہ اے راجدپتری موہ آں چہ سیت چست کنگی لوٹ ایت، پاکستان اوگانستان ءِ آیوکیں باندات ءِ ھوالگ ءَ اوگان راج ءِ پیسلہ ءِ گوما ھمگام ءَ اوشتاتگ، اوگان ایمنی کار ءَ پاکستان ءِ کرد ءَ را میاں اوستمانی براتی ءَ را ساڑات، دوحہ ءَ میاں اوستمانی سول ءُ تران ءِ بنگیج یک بنیاتی گام ات ۔ ایوان ءِ صدر ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے ھیالانی درشانی آئی ءَ اوگانستا ءِ راجی سول ءُ ترانی ہائی کونسل ءِ چیئرمین ڈاکٹر عبداللہ عبداللہ ءَ گوں تران کنان ءَ کت آئی ءَ چار شمبے ءِ روچ ءَ اے آئی ءَ گوں گند ءُ نند کت۔ گند ءُ نند ءَ صدر ءِ مملکت ڈاکٹر عارف علوی ءَ اوگان ایمنی کار ءَ بوھوکیں دیمروئی کار آنی سر ءَ دل یکیمی ءِ درشان کت۔ صدر ءِ مملکت ءَ ڈاکٹر عبداللہ عبداللہ ءِ اوگان سول ءُ ترانی ہائی کونسل ءِ چیئرمین ءِ بستار ءَ کامیاتی ءِ واستہ نیکیں واھشت آنی درشان کت۔ صدر ڈاکٹر عارف علوی ءَ اوگان ایمنی کار ءِ واستہ پاکستان ءِ کمک ءِ درشان کنان ءَ اوگان جیڈھ آنی اُردی گیواری نیست انت ءُ سیاسی سول ءُ تران ءَ چہ دیم ءَ جنزگ ءِ کشک است انت۔ اوگان سروکی ءَ را اے جیڈھ ءِ سیاسی گیواری ءِ واستہ اے راجدپتریں جوانیں موہ ءَ چہ سیت چست کنگ لوٹ ایت۔ پاکستان ءَ کورونا ھوپ ءَ ابید اوگان ٹرانز ٹ ٹریڈ ءَ را آسان جوڑ کنگ ءِ واستہ بارڈر کراسنگ پوائنٹس پچ کتگ انت۔ آئی ءَ گوشت کہ دوئیں ملک آناں تجارت ، ٹرانزٹ ٹریڈ ءُ السی رابطہ آناں گیش ودینگ ءِ واستہ یکجائی ءَ کار کنگ لوٹ ایت۔ پاکستان ءَ اوگانستان ءَ ہسپتال ، سکول ءُ سڑک آں ھوار جتا جتائیں دیمروئی منصوبگ سرجم کتگ۔ آئی ءَ گوشت کہ پاکستان اوگان نودربر آناں گیش زانشت در جنگ ءَ گیش موہ پجاری کنت۔
