ڈیجیٹل پاکستان وژن راستیں رنگ ءَ یک مھکمیں ءُ برجمیں پاکستان ءِ بنیاتی گامگیج ات، استیں حکومت السی جیڈھ آنی گیواری ءِ واستہ واھشت ایگ انت، وام ءُ معاشی جیڈھ آنی چپ ءُ چاگردیں مملکت ءَ را برجم کنگ ءِ واستہ آشوبی گامگیج کنگ ءَ انت
اسلام آباد ۔ 30 ستمبر (اے پی پی) مزن وزیر عمران خان ءَ گوشت کہ ڈیجیٹل پاکستان وژن راستیں رنگ ءَ یک مھکمیں ءُ برجمیں پاکستان ءِ بنیاتی گامگیج ات، استیں حکومت نا ایوک ءَ السی جیڈھ آنی گیواری ءِ واستہ واھشت ایت انت بلکینگ ءَ وام ءُ معاشی جیڈھ آنی چپ ءُ چاگردی مملکت مملکت ءُ را برجم کنگ ءِ واستہ آشوبی گامگیج کنگ ءَ انت۔ وزارت انفارمیشن ٹیکنالوجی ءِ نیمگ ءَ جاڑی بوتگیں پریس ریلیز ءِ رد ءَ آئی ءَ اے گپ وزارت انفارمیشن ٹیکنالوجی ءُ ٹیلی کمیونیکشن ءِ چیر دستی ءَ یونیورسل سروس فنڈ ءِ نیمگ ءَ جاز ءُ یوفون ءَ را داتگیں پراجیکٹ ءِ بنگیجی مراگش ءِ موہ ءَ ھاسیں مہمان ءِ بستار ءَ گشتانک دیان ءَ کت۔ منوگری ءَ یو ایس ایف ءِ چیف ایگزیکٹو آفیسر حارث محمود چوہدری، یوفون ءِ سی ای او راشد خان ءُ جاز ءِ سروک عامر ابراہیم ءَ دست چنگل جت۔ اے موہ ءِ سر ءَ بنجاھی وزیر انفارمیشن ٹیکنالوجی ءُ ٹیلی کمیونیکشن سیدّ امین الحق، سیکرٹری آئی ٹی شعیب احمد صدیقی ءَ ھوار ایندگر کارندہ ساڑی اتنت۔ مزن وزیر ءَ وتی گشتانک ءَ وزارت آئی ٹی ءُ ٹیلی کمیونیکیشن ءُ یو ایس ایف ءِ کار کرد ءَ را ساڑات ءُ گوشت کہ ڈیجیٹل پاکستان وژن ءِ سرجمی ءِ واستہ انوگ ءَ تاں کتگیں گامگیج آنی سر ءَ سرجمیں رنگ ءَ دل یکیمی انت پدا ھم ٹیکنالوجی ءِ اے تاچ ءَ وتارا مھکم کنگ ءِ واستہ انوگ ءَ تاں ازمت کنگ لوٹ ایت۔ وتی گشتانک ءَ بنجاھی وزیر آئی ٹی ءُ ٹیلی کمیونیکشن سیدّ امین الحق ءَ گوشت کہ مزن وزیر ءَ یک گہتریں وژن دیان ءَ وزات ءِ آئی ٹی ءِ سر ءَ سرجمیں دل یکیمی کت، ما توامیں مشکل ، ءُ جیڈھ آں ابید ایشانی سر ءَ دل یکیمی ءِ واستہ جوانیں کوشست کن انت ءُ مپت ءَ گپ ناں بلکینگ ءَ کار کنگ ءَ گندگ بنت۔ اے موہ ءِ سر ءَ بنجاھی وزیر پراجیکٹ ءِ سرجمیں ھال آنی بابت ءَ سرپد کنان ءَ گوشت کہ یک ارب 28 کروڑ اے منصوبگ ءِ چیر دستی ءَ جاز نیٹ ورک ، سندھ ءِ ضلع خیر پور، سکھر گھوٹکی ءُ بلوچستان ءَ کچھی، جھل مگسی، زیارت ءُ قلات ڈویژن ءَ ہائی ایپیڈ براڈ بینڈ سروسز پجارینگ ءِ زمہ واری بنت۔ سید امین الحق ءَ گوشت کہ منصوبگ ءِ سرجمی ءَ چہ اے ضلد ءُ کش ءُ کرا آنی یازدھ سد 46 پشت کپتگیں کوچگ ءُ کش ءُ کرے دمگ آنی 24 لکھ مردم آناں ترند تریں انٹرنیٹ سروس پجاری بیت۔ ات رنگ ءَ 34 ہزار 660 مربع کلومیٹر ءِ پراھ ءُ شاھیگانی دمگ سیت ءُ آسراتی رسیت۔ بنجاھی وزیر ءَ گوشت کہ اگاں مزن وزیر اے رنگ ءَ مارا ٹائم بہ دنت گڈا دل یکیم کناں کہ ھمک ماہ یو ایس ایف ءِ نیمگ ءَ السی آسراتی ءِ یک پراجیکٹ ءِ پیش کناں۔ مراگش ءَ گوں گشتانک دیان ءَ چیئرمین یو ایس ایف بورڈ ءُ سیکریٹری آئی ٹٰ شعیب احمد صدیقی ءَ گوشت کہ یونیورسل سروس فنڈ وتی جوڑیشت ءِ مول ءُ مراد ءَ سرجمیں ءُ جوانیں رنگ ءَ پیلو کنگ ءَ انت، ھاسیں رنگ ءَ گوستگیں 2 سال آںی ساھت ءَ یو ایس ایف ءَ پشت کپتگیں ءُ دور ءُ گستائیں دمگ آنی تہ ءَ براڈ بینڈ ءُ موبائل سروسز پجاری ءِ واستہ جوانیں کار کتگ۔ آئی ءَ امیت ءِ درشان کت کہ یو ایس ایف ءِ نوک گچین بوتگیں چیف ایگزیکٹیو آفیسر حارث محمود چوہدری ءِ سروکی ءَ ادارگ وتی سرجمیں کوھنڈگ آں ترندی ءَ گوں پار کنت۔
